Almatyda jolaýshylar «Saıran» avtovokzalyndaǵy antısanıtarıaǵa shaǵymdandy. Syn aıtylǵan beınerolıkti Threads jelisindegi Rasýl Tokpanov jarıalady, dep habarlaıdy infohub.kz.
Kadrlardan vokzal ǵımaratynyń las ekeni, qoqys pen temeki tuqyldarynyń jan-jaqta jatqany kórinedi. Post avtory jaǵdaıdy «90-jyldardaǵy tozaqqa aparatyn qaqpamen» salystyryp, arzan taǵamnyń ıisi kólik tútinine aralasqanyn atap ótti. «İshke kirgen boıda «turaqtylyqtyń hosh ıisin» sezinesiń — qoqys, kir, temeki tuqyldary jáne arzan taǵamnyń ıisi kólik tútinine aralasqan. Almaty, biz shynymen XXI ǵasyrdaǵy megapolıste turamyz ba? Vokzalda tazalyq degenniń ne ekenin múlde bilmeıtin sıaqty. Bul — 90-jyldardaǵy tozaqqa aparatyn qaqpa», — dep jazdy ol.
Qalalyq kólik basqarmasy shaǵymǵa jaýap berdi. Onda avtovokzaldyń tıisti sanıtarlyq jaǵdaıda bolmaýy týraly aqparat nysan ıesi — «Uni Route Station» JSHS-ne tıisti sharalar qabyldaý úshin jiberilgeni habarlandy. Vedomstvo ıesine aýmaqty keshendi tazalaý, anyqtalǵan sanıtarlyq kemshilikterdi joıý jáne ǵımarat pen irgeles aýmaqty kútip-ustaý baqylaýyn kúsheıtý máselesi qoıylǵanyn atap ótti. Qabyldanǵan sharalardyń nátıjesi boıynsha avtovokzal ıesi esep berýi tıis.