Almaty kúni Terenkýrde, Ospanov kóshesinde qazaqstandyq jáne sheteldik strıt-art sýretshileriniń qatysýymen festıvál ótedi. İs-shara Street Art Avenue — Almatynyń ashyq kóshe óneri galereıasy jobasynyń bir bóligine aınalady, dep habarlaıdy infohub.kz saıty.
20 qyrkúıekte qala turǵyndary jańa mýraldardyń jasalýyn tamashalap, olardyń avtorlarymen tildese alady. Sonymen qatar barlyq qalaýshylarǵa kóshe ónerinen tegin sheberlik sabaǵy ótkiziledi.
Art-sharaǵa brıtandyq sýretshi Fanakapan, máskeýlik 310 / 310 Squad qatysýshylary, belarýs sýretshisi Kontra / TAKTAK jáne qazaqstandyq graffıtı sýretshileri qatysady.
«Festıváldiń basty jumysy Almatynyń sımvoldarynyń biri — qar barysyna arnalǵan kompozısıa bolady. Ár sýretshi ártúrli stıl men tehnıkany biriktirip, beıneni ózinshe túsindiredi», — dep jazady ákimdikte.
Aksıa Almatyda júrip jatqan ǵımarat qasbetterin jańartý jumystarymen baılanystyryldy. Keıbir eski mýraldar ýaqyt óte kele bastapqy kórinisin joǵaltqandyqtan, olardyń avtorlary jańa jumystar jasaýǵa shaqyryldy.
Burynǵy mýraldardy sıfrlyq formatta saqtaýǵa ýáde berildi. Olardyń ornyna QR-kodtar ornalastyrylady, olar arqyly túpnusqa jumysty kórip, onyń tarıhymen jáne avtorlarymen tanysýǵa bolady.
Buǵan deıin Kursiv LifeStyle Almaty kóshelerinde qandaı mýraldar paıda bolǵanyn, qaısysy sońǵy ýaqytta joǵalyp nemese ózgerip ketkenin jazǵan bolatyn.