Almatyda taǵy da kóshede tóbeles boldy, oǵan eki júrgizýshi qatysty. Beınege túsken oqıǵa polısıanyń nazaryn aýdaryp, endi quqyqbuzýshyǵa qylmystyq jaýapkershilik qaýpi tónip tur, dep habarlaıdy infohub.kz.
Janjaldyń beınejazbasy kris_p_almata Instagram-paraqshasynda jarıalandy. Kadrlarda 20 tamyzda Qazybek Taýasarýly kóshesinde Mercedes kóliginiń júrgizýshisi joldy jaýyp tastaǵany, al jol berý ótinishine agresıamen jaýap bergeni kórinedi. Nátıjesinde ol Kia Rio júrgizýshisimen aıtysyp, tóbeleske ulasqan.
Almaty polısıa departamentinde jaǵdaıǵa túsinikteme berdi. Vedomstvonyń málimetinshe, 41 jastaǵy Mercedes júrgizýshisi 30 jastaǵy qarsylasyna birneshe soqqy jasaǵan. Kúdikti ustalyp, ýaqytsha ustaý ızolátoryna qamaldy. Buzaqylyq faktisi boıynsha qylmystyq is qozǵaldy.
Qazirgi ýaqytta sotqa deıingi tergeý júrgizilýde. Polıseıler ustalǵan adamnyń áreketine zań aıasynda prınsıpti baǵa beriletinin jáne ol Qazaqstan Respýblıkasynyń zańnamasyna sáıkes jazaǵa tartylatynyn málimdedi.
Aıta keteıik, beınejazbada ádepsiz sózder bar, sondyqtan rolık 18 jastan asqan kórermenderge arnalǵan.
Buǵan deıin Almatydaǵy avtobýstardyń birinde eki er adam tóbelesip, úshinshisi olardy ajyratýǵa tyrysqan beıne taraǵan edi. Polısıa bul oqıǵaǵa da jaýap berdi.