Almatydaǵy turǵyn úı kesheninde bolǵan órtten zardap shekkenderdiń biri, dárigerlerdiń reanımasıalyq sharalaryna qaramastan, qaıtys boldy, dep habarlaıdy infohub.kz.
Almaty TJD málimetinshe, 23 tamyzda saǵat 22:49-da Ádi Sháripov kóshesi, 145 mekenjaıyndaǵy 13 qabatty turǵyn úı kesheninde órt shyqqany týraly habarlama 101 púltine túsken. 5 mınýt ishinde jetken alǵashqy bólimsheler tehnıkalyq bólmede jáne ekinshi podezd qabattarynda kabelderdiń, sondaı-aq birinshi podezdtiń 7-den 13-qabatyna deıingi elektr qalqandarynyń janǵanyn anyqtady.
Jedel sharalardyń arqasynda órt saǵat 23:57-de oqshaýlanyp, 00:14-te sóndirildi. Qutqarý qalpaqtaryn paıdalanyp, baspaldaqpen 148 adam, onyń ishinde 9 bala qutqaryldy. Tórt adam aýrýhanaǵa jetkizildi.
Zardap shekkenderdiń biri esinen tanyp jatqan kúıde tabyldy. Kelgen dárigerlerdiń reanımasıalyq sharalaryna qaramastan, ony aman alyp qalý múmkin bolmady.
Órtti sóndirýge TJD-niń 90-ǵa jýyq qyzmetkeri men 25 tehnıkasy jumyldyryldy. Órttiń taraýyna órt týraly kesh habarlaý sebep boldy: turǵyndardyń aıtýynsha, avtomatty órt dabyly órt sóndirý bólimsheleri shaqyrylǵanǵa deıin bir jarym saǵat buryn iske qosylǵan, alaıda órtke qarsy qyzmetke ýaqytyly habarlama túspegen.
Buǵan deıin órt-tehnıkalyq tekserý nátıjeleri boıynsha jaýapty tulǵalarǵa órt qaýipsizdigi talaptarynyń buzýshylyqtaryn joıý týraly nusqama berilgen bolatyn. Órttiń sebebi anyqtalyp jatyr.