Almatyda qaıyn enesin zorlady dep kúdiktelgen er adam ustaldy, dep habarlaıdy infohub.kz saıty.
Qalalyq polısıa departamentiniń baspasóz qyzmetiniń málimetinshe, kúdikti ýaqytsha ustaý ızolátoryna qamalǵan. Oqıǵa kúndiz bolǵan: kúıeý bala 63 jastaǵy áıelge shaı ishýge kelgen syltaýmen kirip, onyń dármensizdigin paıdalanyp, jynystyq sıpattaǵy zorlyq-zombylyq jasaǵan.
Sol kúni zardap shekken áıel polısıaǵa aryzdanǵan. Alaıda «Úndeme» qoǵamdyq qorynyń jarıalanymynda aıtylǵandaı, aldymen polısıa saraptamadan ótý úshin tıisti qaýly shyǵarmaǵan. Áıeldi sot-medısınalyq kýálandyrýǵa jibergen morgte qaýly durys resimdelmegendikten qabyldanbaǵan. Nátıjesinde úsh kún boıy saraptama júrgizilmegen.
Almaty polısıa departamentinde bul fakti boıynsha Áýezov aýdanynyń polısıa basqarmasy qylmystyq is qozǵaǵanyn málimdedi. Kúdikti ustalyp, ýaqytsha ustaý ızolátorynda otyr. Onyń áreketterine prınsıpti jáne obektıvti quqyqtyq baǵa beriledi. Kinási dáleldengen jaǵdaıda, ol Qazaqstan Respýblıkasynyń zańnamasyna sáıkes jazaǵa tartylady.