Almatyda 19 jastaǵy jigitti polısıa qyzmetkerleri ustaǵan kezde ol ózin Iamaıka azamatymyn dep tanystyrǵan. Alaıda ol otbasy izdegen jergilikti turǵyn bolyp shyqty, dep habarlaıdy infohub.kz.
Almaty polısıa departamentiniń málimetinshe, qujaty joq er adamdy qabyldaý-bólý ornyna jetkizgen. Jeke basyn anyqtaý kezinde ol ózin 19 jastaǵy Iamaıka azamatymyn dep málimdegen.
Alaıda derekqorlar boıynsha júrgizilgen tekserý onyń sózin rastamaǵan. Polıseıler jeke basyn anyqtaýdy jalǵastyryp, onyń shyn máninde Almaty qalasynyń Alataý aýdanynda turatyn 2003 jyly týǵan Qazaqstan azamaty ekenin anyqtaǵan. Er adam izdeýde bolǵan — ony týystary izdegen.
Polısıa qyzmetkerleri er adamnyń ákesimen baılanysqa shyǵyp, ol kóp uzamaı qabyldaý-bólý ornyna kelip, ulyn tanyǵan. Jigittiń psıhıkalyq aýrýy bar ekeni belgili bolǵan. Barlyq mán-jaılar anyqtalǵan soń, ony ákesine tapsyrǵan.