Shyǵys Qazaqstan oblysynyń Altaı qalasynda jeke turǵyn úı órtenip, ottan bir balany aman alyp qalý múmkin boldy, dep habarlaıdy infohub.kz saıty.
NUR.KZ agenttigi İİM-niń «Novostı İİM» Telegram-arnasyna silteme jasap habarlaýynsha, saǵat 13:00 shamasynda patrúldik polıseıler jeke sektor jaqtan qoıý tútin baıqaǵan. Oqıǵa ornyna jetken tártip saqshylary Altaı kóshesindegi úılerdiń biri órtenip jatqanyn anyqtady.
«Terezeden jylap turǵan balany kórgen polısıa maıory Azamat Kanapın órt sóndirýshilerdiń kelýin kútpeı, kómekke umtyldy. Patrúldik polısıa vzvodynyń komandıri polısıa kapıtany Rýslan Kýnıazov pen qyzmet ınspektory aǵa leıtenant Abzal Smaǵulov seriktesine dereý kómekke keldi. Olar birge terezeni syndyryp, sodan keıin maıor Kanapın balany tútinge toly úıden alyp shyǵyp, tez arada qaýipsiz jerge alyp bardy», — dep áńgimeledi İshki ister mınıstrliginde.
Sonymen qatar, jaqyn jerde bolǵan kórshi de jedel qyzmetterdi ýaqytynda shaqyryp, oqıǵa ornynda polıseılerge kómektesken.
Kóp uzamaı oqıǵa ornyna órt sóndirýshiler men jedel járdem brıgadasy kelgeni naqtylandy. Balany medısına qyzmetkerlerine tapsyryp, aýrýhanaǵa jetkizdi. Qazir onyń ómiri men densaýlyǵyna eshqandaı qaýip tónip turǵan joq.