InfoHub Logo

Shyǵys Qazaqstan oblysy, Katonqaraǵaı aýdany,
Arshaty aýyly fızıka, matematıka pániniń muǵalimi
Qurmetjanova Janerke

10 synyp
Sabaqtyń taqyryby: Araq, temeki – qasiret kózi
Sabaqtyń maqsaty: Jas urpaqtyń salaýatty ómir saltyn qalyptastyrýdaǵy oı órisin damytý, zıandy ádetterge elikteýdiń, qyzyǵýdyń ómirlerine qaýip týdyratynyń eskertý. İshimdik jáne temekeniń aǵzaǵa tıgizer áseri, keleshek ómirlerine onyń zardaptary, adam aǵzasyna teris áseri týraly túsindirý.
Kórnekiligi: Sýretter, vıdeokórsetilim, slaıd, danalyq sózder.
Sabaqtyń barysy:
Uıymdastyrý
Túster arqyly eki topqa bóliný.
Shattyq sheńberine jınalyp bir - birine óz esimderinen bastalatyn tilekter aıtý
İ. Kirispe bólimi
Muǵalimniń sózi: Densaýlyq – adamnyń eń qasıetti de qundy, qaıtalanbas, joǵalsa qaıta ornyna qıyndyqpen keletin, orny tolmas asyl qazynasy. Biz osy jańa ǵasyrdan kúter úmitimiz kóp. Sondaı - aq qazirgi zamanda adam aǵzasyna tıer zalaly da jeterlik. Tiri aǵzaǵa tıer ekologıalyq úsh faktordyń áseri osy tańda aıtpasa da kózge shyqqan súıeldeı bolyp kórinip turǵany anyq.
Salaýatty ómir saltynyń maqsaty - ómir súrýdiń maǵynasy tereń ekendigin bildirýde.
İshimdik, temeki, nashaqorlyq – adamnyń jaýy. Bul joldan aýlaq júrý kerek. Basty baılyq densaýlyq ekendigine sizderdiń kózderińizdi jetkizgimiz keledi. Olaı bolsa, bizdiń búgingi tárbıe saǵatymyz “Araq, temeki – qasiret kózi ” taqyrybynda ótedi.

İİ Negizgi bólim
1. Sóz jumbaq sheshý
1. Salaýatty ómir saltyn ustaýǵa nasıhattaıtyn pán?
2. Tazalyq saqtaý týraly ǵylymdy ne deıdi?
3. Gıgıenany erte kezden bastaǵan eldi ata?
4. Adamǵa eń kerekti taǵamdardyń biri.
5. Adam ne jetispegende ómir súre almaıdy?
6. em izdegenshe, aýyrmaıtyn jol izde?
7. Deni saý adamnyń densaýlyǵyn saqtaý týraly qandaı ǵylym bar?
8. Adam densaýlyǵyna eń kerekti ne nárse?
9. Osy ádisti durys qoldana bilsek 99 aýrýdan saýyǵýǵa bolady dep aıtty amerıkandyq ǵalym P.Breg?

2. Beınekórsetilim kórsetý
1) Temeki týraly
2) Alkogól týraly oqýshylardyń oıyn tyńdaý

3. Poster quraý jáne ony qorǵaý
1. «Zertteýshiler» toby
2. «Tarıhshylar» toby

4. Aptasyna, aıyna, jylyna temekige ketetin shyǵyndy esepteý
1 qorap temeki - 250 tg bolsa

5. Maqaldy jalǵastyr «Óz úıińdi adaspaı tap»
1. Densaýlyq -(zor baılyq)
2. Jarlynyń baılyǵy -(deniniń saýlyǵy)
3. Jan aýyrsa tán azady,
(Qaıǵy bassa - jan azady.)
4. Deni saýdyń (jany saý.)
5. Deni saý urpaq -(el bolashaǵy)
6. Aýrýyn jasyrǵan (óledi.)
7. Shynyqsań (shymyr bolarsyń)
6. Sergitý sáti (Bıleý)
7. Bir tamshy oı
Sýretke qarap bir aýyz óleń quraý

8. Jaǵdaıatty shesh
1. Bir sportsmen ózi áıgili bolady. Jaqsy, jurtqa tanymal.
Biraq tabys kózi onsha bolmaıdy. Endi ol otbasynan asyraý úshin“Araq zavodyna” jumysqa turady. Alǵashqy kezde jaqsy tabys taýyp júredi. Keıinnen ol az-azdap iship, araqqa boıy
úırenip ketedi. Endi jumysty tastaıyn dese, aqsha kerek, tastamaıyn dese, iship qoıa beredi. Jaǵdaıattan qalaı shyǵýǵa bolady?
2) Ol 15 jasta. Temeki tartyp, araq iship, az - azdan úırenip júrip ábden boıyna sińirip aldy. Al onyń aǵasy da alǵashqyda qalaı boı urǵanyn bilmeı qalǵan bolatyn. İnisi aǵasynyń sol bir zattardan qansha zardap shekkenin biledi. Biraq ózi sol zattardy tastaı almaıdy. Sizdiń pikirińiz?

İİİ. Qorytyndy
Aqyldyń alty qalpaǵy. Óz pikirlerin túster arqyly kórsetý

Nazykesh: Ýa halqym, nazar aýdar densaýlyqqa
Ómirde baqyttysyń deniń saýda.
“Densaýlyq – tereń baqyt” degen sózdi
Qur aıtpaǵan uly Abaı danamyz da.

Maǵjan: Deniń saýda kúshtisiń bul álemde
Deniń saýda sulýsyń jer betinde.
Sol myqty densaýlyqtyń arqasynda
Jeńersiń aýyr zaman tálkegin de.

Baqyt: Deniń saýda jetersiń armanyńa
Josparlap alǵa qoıǵan maqsatyńa
Deniń saýda kórersiń bul dúnıeniń
Bar qyzyq, rahatyn, jaryǵyn da.

Jeńis: Densaýlyq – sheksiz baqyt halqym meniń
Sondyqtan kóńil aýdar densaýlyqqa.
Qolda barda bil onyń qasıetin
Kútip, baptap aıala ár ýaqytta
Stıkerlerge óz oılaryn jazý