Qazaqstandyq aktrısa ári prodúser Ásel Sádýaqasova Instagram paraqshasynda jazylýshy áıeldermen artyq salmaqtan arylýǵa kómektesken tamaqtaný erejelerimen bólisti, dep habarlaıdy infohub.kz saıty.
Sádýaqasovanyń aıtýynsha, osy erejelerdiń arqasynda ol 12 kg salmaq tastaǵan. 5 jyldan beri paıdaly ádetterge súıenip, ózine qolaıly salmaqty ustap otyr.
«№1 ereje. Bul — sý. Buryn men gazdalǵan sýsyn, kompot, mors, fresh sıaqty barlyq sýsyndy ishetinmin, al taza sýdy óte az ishtim. Kúnine eń kóbi bir staqan. Birtindep bul ádetti ózgerte bastadym», — dedi ol.
Endi aktrısa tátti sýsyndardan bas tartyp, tek sý ishedi. Kúnine 1,5–2 lıtr sý ishedi.
«№2 ereje. Tamaq jegen kezde sý ishpeımin. №3 ereje. Sońǵy tamaqty uıqyǵa 3-4 saǵat qalǵanda jeımin. Búkil aǵzaǵa demalys berýge tyrysamyn. №4 ereje. Birtindep unnan jasalǵan jáne tátti taǵamdardy shektedim», — dep bólisti Ásel Sádýaqasova.