2026 jylǵy 14 shildede Astanada aýa temperatýrasy +38,6°C-qa jetip, osy kún úshin sońǵy 34 jyldaǵy eń joǵary kórsetkish bolyp tirkeldi, dep habarlaıdy infohub.kz.
Qazgıdromettiń baqylaý jelisi málimetinshe, elordadaǵy aýa temperatýrasy +38,6°C-qa jetti. Bul 1992 jyly tirkelgen +35,3°C kórsetkishinen 3,3 gradýsqa artyq.
Qazgıdromet sınoptıkteri 14 shildeniń elordadaǵy eń ystyq kún bolatynyn aldyn ala eskertken bolatyn. Olardyń boljamy boıynsha, aýa temperatýrasy +37...+39°C-qa jetýi kerek edi, bul osy kún úshin tarıhı maksımýmnan asyp túsetin.
13 shildeniń ózinde ystyq rekordtyq kórsetkishterge jaqyndady: saǵat 13:40-ta Astanada aýa temperatýrasy +35,9 gradýs boldy. Salystyrý úshin, 13 shilde úshin absolúttik maksımým 1935 jyly ornatylyp, +39,5 gradýsty quraǵan.
Eske salaıyq, 23 maýsymda Astanada osy kún úshin jańa temperatýralyq rekord ornatylǵan bolatyn: aýa +36,8 gradýsqa deıin jylyp, 1941 jylǵy rekordty (+36,4 gradýs) basyp ozdy.