Astanada dombyra úıirmesiniń tárbıelenýshileriniń ata-analary balalardy Dýbaıǵa konkýrsqa aparýdy uıymdastyrýǵa ýáde bergen alaıaqtyń qurbany boldy, dep habarlaıdy infohub.kz saıty.
Polisia.kz-tiń habarlaýynsha, polısıaǵa birneshe ata-ana birden júgingen. Aldyn ala málimetter boıynsha, 32 jastaǵy er adam úıirme tárbıelenýshileri úshin Dýbaıǵa sapar uıymdastyrýdy usynǵan, onda olar konkýrsqa qatysýy kerek edi. Ol ata-analardyń senimine kirip, olardan ártúrli mólsherde aqsha alǵan.
Qazirgi ýaqytta aldaý arqyly aqsha qarajatyn ıemdenýdiń 11 epızody anyqtaldy, delingen polısıa habarlamasynda. Osy fakti boıynsha qylmystyq is qozǵaldy. Sotqa deıingi tergeý júrgizilýde, oqıǵanyń barlyq mán-jaılary men basqa adamdardyń qatysýy anyqtalýda.
Polısıa eske salady: aqsha tapsyrmas buryn usynylǵan aqparattyń durystyǵyna kóz jetkizý, qujattar men qyzmet kórsetý sharttaryn tekserý, sondaı-aq resmı qujattarmen rastalmaǵan ýádelerge senbeý qajet. Kúmán týyndaǵan jaǵdaıda polısıaǵa «102» nómiri boıynsha habarlasý usynylady, dep qosty vedomstvo.