Astanada 39 jastaǵy áıel alaıaqtyq boıynsha qylmystyq iske tartyldy: tergeý málimetinshe, ol burynnan tanys áıelden páter satyp alýǵa kómektesemin dep 1,5 mln teńge alǵan, dep habarlaıdy infohub.kz saıty.
Bul týraly Astana qalalyq polısıa departamenti Instagram paraqshasynda málimdedi. Kúdiktiniń jábirlenýshimen burynnan tanys ekeni anyqtaldy — ekeýi buryn bir qalada turǵan.
«Sóılesý barysynda kúdikti qurylys kompanıalarynda tanystary bar ekenin, olar páter alýǵa kómektese alatynyn aıtqan. Ýádege sengen jábirlenýshi áıelge aldyn ala tólem retinde 1,5 mln teńge bergen. Sodan keıin kúdikti uzaq ýaqyt boıy turǵyn úı alý máselesin sheshemin dep ýáde berip, keıin baılanysqa shyqpaı qoıǵan», — dedi polısıada.
Jedel izdestirý is-sharalary barysynda 39 jastaǵy áıel turǵylyqty jerinde ustaldy. Osy fakti boıynsha qylmystyq is qozǵalyp, sotqa deıingi tergeý júrgizilýde.
Polısıa azamattardy jyljymaıtyn múlik mámilelerin jasaǵanda saq bolýǵa, usynystardyń shynaıylyǵyn tekserýge jáne tıisti qujatsyz iri kólemde aqsha bermeýge shaqyrady.