4-10 qyrkúıek aralyǵynda Astana — Qaraǵandy — Almaty respýblıkalyq avtojolynyń bir bóliginde júk kólikteriniń qozǵalysy shekteledi, dep habarlaıdy infohub.kz saıty.
«KazAvtoJol» ulttyq jol operatorynyń málimetinshe, Qaskeleń qalasy men Ulan aýyly mańyndaǵy 1209-1201-shaqyrymdar aralyǵynda jol tósemine ortasha jóndeý jumystary júrgizilýde.
Osyǵan baılanysty 4-10 qyrkúıek aralyǵynda kún saıyn saǵat 06:00-den 19:00-ge deıin júk kólikteriniń qozǵalysy ýaqytsha shekteledi. Aýyr júk kólikteri úshin BAKAD respýblıkalyq trassasy jáne jergilikti joldar arqyly aınalyp ótý uıymdastyrylǵan: Almalybak — Jambyl, Almalybak — Ulan, Almalybak — Qoshmambet jáne Almalybak — Eltaı.
Jeńil kólikter men qoǵamdyq kólik jol jıegimen júre alady.
«KazAvtoJol» júrgizýshilerdi marshrýt josparlaý kezinde ýaqytsha qolaısyzdyqtardy eskerip, jol belgileri men retteýshilerdiń nusqaýlaryn qatań saqtaýǵa shaqyrdy.