Astanada 27 jastaǵy áıel turǵyn úıdiń 15-qabatynan qulap, kóz jumdy. Qaıǵyly oqıǵa áıeldiń eki jasar bala otyrǵan balalar arbasyna qulaýynan boldy. Náreste de alǵan jaraqatynan qaza tapty, dep habarlaıdy infohub.kz saıty.
Quqyq qorǵaý organdarynyń aldyn ala dereginshe, áıel 15-qabattaǵy páterdiń terezesinen sekirip ketken.
«Aldyn ala anyqtalǵanyndaı, 27 jastaǵy áıel turǵyn úıdiń 15-qabatyndaǵy terezeden sekirip ketti. Qulaý saldarynan áıel kóz jumdy. Qulaǵan kezde ol eki jasar bala otyrǵan balalar arbasyna tústi. Alǵan jaraqatynan bala qaza tapty», — dep málimdedi polısıada.
Oqıǵa faktisi boıynsha qylmystyq is qozǵaldy. Quqyq qorǵaýshylar tekserý júrgizip, qaıǵyly oqıǵanyń barlyq mán-jaıyn anyqtap jatyr.
Basqa málimetter ázirge habarlanbady.
Buǵan deıin «Kýrsıv» İİM men Bas prokýratýra 2024 jyly «Almaty Taýers» turǵyn úı kesheniniń tórtinshi qabatynyń terezesinen qulaǵan 22 jastaǵy Veronıka Sokolovanyń qazasyna qatysty tergeýdi qaıta bastaǵanyn jazǵan bolatyn.
İs ózin-ózi óltirýge ıtermeleý jáne óz betinshe áreket etý baptary boıynsha tergelýde. Buryn is óndirisi toqtatylǵan, alaıda marqumnyń otbasynyń ótinishteri men qoǵamdyq rezonanstan keıin bul sheshim joıylyp, qosymsha saraptamalar taǵaıyndaldy.