Astanada bet-álpetti taný fýnksıasy bar beınebaqylaý júıesi halyqaralyq izdeýde júrgen er adamdy ustaýǵa kómektesti, dep habarlaıdy infohub.kz saıty.
Polisia.kz-tiń habarlaýynsha, bet-álpetti taný fýnksıasy bar beınebaqylaý júıesi izdeýde júrgen azamattardy, habar-osharsyz ketkenderdi, kóshi-qon zańnamasyn buzýshylardy jáne esepte turǵan basqa da adamdardy jedel anyqtaýǵa múmkindik beredi.
«Júıe keskinderdi qoldanystaǵy derekqorlarmen avtomatty túrde salystyrady. İzdeý tek fotosýret boıynsha ǵana emes, sonymen qatar syrtqy belgileri boıynsha da júrgizilýi múmkin: jynysy, jasy, saqalynyń, kózildiriginiń, maskasynyń nemese bas kıiminiń bolýy. Sondaı-aq tehnologıa tanylǵan adamnyń qozǵalys baǵytyn beınebaqylaý kameralary arqyly baqylaýǵa múmkindik beredi. Sıfrlyq sheshimniń tıimdiligi naqty nátıjelermen rastalady. Máselen, beınebaqylaý barysynda júıe 40 jastaǵy áıeldi tanydy. Kórneki tekserý sáıkestikti rastady», — delingen habarlamada.
Taǵy bir jaǵdaıda júıe sottan jasyrynǵan 34 jastaǵy er adamdy tanydy. Aqparat polısıa qyzmetkerlerimen jedel tekserildi. Jedel-izdestirý is-sharalary barysynda er adam ustaldy.
Taǵy bir jaǵdaıda júıe urlyq jasady degen kúdikpen halyqaralyq izdeýde júrgen 24 jastaǵy er adamdy tanydy. Aqparat polısıa qyzmetkerlerimen tekserildi, sodan keıin er adam ustaldy.
«Sıfrlyq tehnologıalar adamdy anyqtaýdan qajetti sharalardy qabyldaýǵa deıingi ýaqytty qysqartýǵa kómektesedi, bul quqyq qorǵaý organdarynyń jedeldigin arttyrady», — dep qosty polısıada.