Astanadaǵy 29 jastaǵy BMW júrgizýshisi úsh aıda 87 ret jol qozǵalysy erejesin buzǵan. Sot ony 15 táýlikke qamaýǵa aldy, dep habarlaıdy infohub.kz saıty.
«Qaýipsiz jol» jedel-profılaktıkalyq is-sharasy barysynda polısıa qyzmetkerleri bıylǵy naýryzdan maýsymǵa deıin 87 ákimshilik quqyqbuzýshylyq jasaǵan 29 jastaǵy BMW júrgizýshisin anyqtady. Astana qalalyq polısıa departamentiniń málimetinshe, 55 ret kameralar belgilengen jyldamdyqtyń asyrylǵanyn tirkegen, taǵy 32 ret avtokólik marshrýttyq kólikke arnalǵan jolaqpen qozǵalǵan.
Polısıa birneshe mysal keltirdi. Naýryz aıynda Turan dańǵyly men Aqmeshit kóshesinde avtokólik birneshe ret 129–131 km/saǵ jyldamdyqpen qozǵalǵan. Maýsymda Ǵ. Mustafın kóshesinde jyldamdyq 126 km/saǵ, al K. Muhamedhanov kóshesinde ruqsat etilgen 60 km/saǵ kezinde 151 km/saǵ-qa jetken.
«Júıeli túrde quqyqqa qarsy áreketteri jáne qoǵamǵa ashyq túrde qurmetsizdik bildirgeni úshin polısıa qyzmetkerleri quqyqbuzýshyny usaq buzaqylyq faktisi boıynsha ákimshilik jaýapkershilikke tartty», — dep qosty polısıa departamentinde. Sot sheshimimen er adam 15 táýlikke qamaldy.
Polısıa jol qozǵalysy erejelerin júıeli túrde buzý, agressıvti júrgizý máneri jáne basqa jol qozǵalysyna qatysýshylarǵa qaýip tóndirý jazasyz qalmaıtynyn eskertti.