Astananyń 19 turǵyny tapsyrys boıynsha jıhaz jasaýdy usynǵan alaıaqtardyń qurbany boldy. Jalpy shyǵyn 24,6 mln teńgeden asty, dep habarlaıdy infohub.kz saıty.
Elordada sot tapsyrys boıynsha jıhaz jasaý kezinde alaıaqtyqqa qatysty eki aıyptalýshyǵa úkim shyǵardy. Olardyń árqaısysy alty jylǵa bas bostandyǵynan aıyryldy.
Bas prokýratýrada habarlaǵandaı, zardap shekkenderdiń biri Instagram-da jıhaz jasaý týraly jarnamany kórip, kelisimshart jasasqan. Ólshemderdi alǵannan keıin ol 4,5 mln teńge kóleminde aqsha aýdarǵan. Alaıda odan keıin eki alaıaq baılanysqa shyqpaı qoıǵan.
Olardyń áreketterinen 19 azamat zardap shekti, shyǵyn 24,6 mln teńgeden asty. Sotta memlekettik aıyptaýshy eki aıyptalýshynyń da kinásin dáleldeıtin barlyq dáleldemelerdi usyndy.
Sot úkimimen olardyń árqaısysyna 6 jylǵa bas bostandyǵynan aıyrý jazasy taǵaıyndalyp, komersıalyq jáne komersıalyq emes uıymdarda basshylyq qyzmetterdi atqarý quqyǵynan 10 jylǵa aıyrý jazasy qoldanyldy, dep qosty qadaǵalaý organy.
Zardap shekkenderdiń azamattyq talaptary tolyq kólemde qanaǵattandyrylyp, aıyptalýshylardan óndirilýge jatady.