Astana ortalyǵynda jol oqıǵasy jergilikti turǵyn úshin jaǵymsyz jaǵdaıǵa aınaldy: qudyq qaqpaǵyna tap bolǵan kólik qatty zaqymdandy. Bul týraly kólik ıesi Zarına Tajıbaeva Instagram paraqshasynda beınejazba jarıalap, habarlady, dep jazady infohub.kz saıty.
«Mundaı jaǵdaıǵa alǵash ret tap bolyp otyrmyn, sizderdi saqtandyrǵym keledi, eshkim de mundaıdan saqtanbaǵan. Biz óz jolaǵymyzben tynysh kele jatyp, jabyq lúkke tap bolyp, osyndaı zardap shektik», — dedi ol. Ol kóliktiń jaqynda ǵana satyp alynǵanyn erekshe atap ótti.
Oqıǵaǵa Astana qalasy ákimdiginiń Qalalyq monıtorıń jáne jedel den qoıý ortalyǵy jaýap berdi. Onda bylaı delingen: «Joǵaryda atalǵan mekenjaıda qudyq brıgada kelgenge deıin jabylǵan bolatyn. Qazirgi tańda qudyq jabyq, qaýip tóndirmeıdi, kólik qozǵalysyna kedergi keltirmeıdi». Materıaldyq shyǵyndy óteý máselesi boıynsha vedomstvo sotqa júginýge keńes berdi.
Astana polıseıleri de oqıǵaǵa óz baǵasyn berdi. «LYNK-CO 900 markaly kólik júrgizýshisi Túrkistan kóshesimen kele jatyp, qudyq qaqpaǵyna tap boldy. Lúk qaqpaǵynyń jyljýy (syrylýy) saldarynan kólikke mehanıkalyq zaqym keltirildi», — dedi polısıada. Onda oqıǵa faktisi belgilengen tártippen tirkelip, prosestik sheshim qabyldaý úshin tekserý sharalary júrgizilip jatqanyn qosty.