Astanadaǵy bir mektepte ata-analar kútpegen jaǵdaıǵa tap boldy: birinshi synypta 47 oqýshy bolyp shyqty. Ashýlanǵan ata-analar mundaı jaǵdaıda balalardyń sapaly bilim ala alatynyna kúmán keltirip otyr, dep habarlaıdy infohub.kz saıty.
Oqıǵa elordanyń Esil aýdanyndaǵy №95 mektepte bolǵan. Áleýmettik jelilerde paıdalanýshylar synyptyń shamadan tys tolyqtyǵyna nazar aýdaryp, fotosýret jarıalap, birinshi synyptaǵy balalardyń kóptigine tańdanys bildirdi. «95 mektep. Esil aýdany. 1-synyp. Synypta 47 oqýshy. Bul ne zańsyzdyq? Bul balalar qalaı oqıdy?!!» — dep jazdy ata-analardyń biri Threads-te.
Astana qalasynyń bilim basqarmasy shaǵymǵa jedel jaýap berip, oqý jyly bastalǵannan keıin de oqýshylardy qabyldaý jalǵasyp jatqanyn túsindirdi. Sheneýnikterdiń aıtýynsha, dál osy jaǵdaı synyptaǵy balalar sanynyń artýyna ákelgen. «Oqý jyly bastalǵannan keıin mektepke oqýshylardy qabyldaý jalǵasýda, osyǵan baılanysty oqýshylar sany artty. Qazirgi ýaqytta oqýshylar sanynyń artýyna baılanysty jańa synyptar ashyldy», — delingen vedomstvonyń resmı túsiniktemesinde.
Sonymen qatar, bilim basqarmasy №95 mektep oqýshylar sany kóp oqý oryndarynyń qataryna jatpaıtynyn atap ótti. «Atalǵan mektep oqýshylar sany joǵary bilim berý uıymdarynyń qataryna kirmeıdi», — dep qosty vedomstvo, ata-analardyń alańdaýshylyǵyn seıiltýge tyrysyp.