Astanada júrgen Túrkıa azamaty kúnnen qorǵaıtyn kózildiriginiń joǵalǵanyn baıqap, polısıa qyzmetkerlerine júgingen, dep habarlaıdy infohub.kz.
İİM medıaportalynyń málimetinshe, sheteldik qonaqúıde quny shamamen 300 dollar (shamamen 140 myń teńge) turatyn kózildiriginiń joǵalǵanyn baıqaǵan, oǵan deıin ol sporttyq is-sharaǵa barǵan. Oqıǵanyń mán-jaıyn anyqtaý úshin elordalyq polıseıler beınebaqylaý kameralarynyń jazbalaryn qarap shyqqan.
Tekserý barysynda sporttyq is-sharaǵa barmas buryn kózildiriktiń er adamda bolǵany anyqtalǵan. Keıin trıbýnada oıyndardy tamashalap júrip, ol ony qaldyryp ketken, al ǵımarattan shyǵarda joǵaltqanyn baıqamaǵan, dep málimdedi Astana polısıa departamentinde.
Túrkıa azamaty polısıa qyzmetkerlerine jedeldigi, muqıat qaraǵany jáne kórsetken kómegi úshin alǵys bildirgen. Polısıa azamattardyń ýaqytyly ótinish jasaýy oqıǵanyń mán-jaıyn tezirek anyqtaýǵa jáne qajetti sharalardy qoldanýǵa múmkindik beretinin atap ótedi. Jeke zattaryńyzdy joǵaltqan jaǵdaıda kómek suraýdy keıinge qaldyrmaýǵa, múmkindiginshe polısıa qyzmetkerlerine oqıǵanyń mán-jaıyn barynsha naqty habarlaýǵa keńes beriledi.