Astanada meıramhanada toı ótkizgen er adam pırotehnıkany qoldanǵany úshin jaýapkershilikke tartyldy, dep habarlaıdy infohub.kz saıty.
Astana qalalyq polısıa departamentiniń málimetinshe, «qyz uzatý» rásimi aıaqtalǵan soń, 27 jastaǵy elorda turǵyny meıramhanalardyń biriniń janynda feıerverk atqan. Qatty dybys mańaıdaǵy turǵyn úı keshenderiniń turǵyndarynyń tynyshtyǵyn buzyp, azamattardyń narazylyǵyn týdyrǵan. Er adamǵa qatysty usaq buzaqylyq boıynsha ákimshilik hattama toltyrylǵan.
Sot quqyq buzýshyǵa bes táýlikke ákimshilik qamaýǵa alý jazasyn taǵaıyndady.
Polısıada merekelik kóńil-kúı aınaladaǵylardyń tynyshtyǵyn buzýǵa sebep bolmaýy kerektigin atap ótti. «Toı ótkizý, pırotehnıkany qoldaný jáne ózge de áreketter zańnama men qoǵamdyq tártip talaptaryn saqtaı otyryp júzege asyrylýy tıis. Aınaladaǵylarǵa ashyq qurmetsizdik bildiretin jáne qoǵamdyq tártipti buzatyn áreketter úshin zańda belgilengen ákimshilik jaýapkershilik qarastyrylǵan», — dep qosty DP ókilderi.