Elordada Tóle bı kóshesiniń bir bóliginde jol jóndeý jumystary uzartyldy, osyǵan baılanysty Uly Dala dańǵylymen qıylysy kólik qozǵalysy úshin 28 tamyzǵa deıin tolyǵymen jabyq bolady, dep habarlaıdy infohub.kz.
Astana qalasynyń iKomek monıtorıń jáne jedel áreket etý ortalyǵynyń málimetinshe, Tóle bı kóshesinde R. Baglanova kóshesinen Uly Dala dańǵylyna deıingi aralyqtaǵy jóndeý jumystary atalǵan kúnge deıin jalǵasady.
Osyǵan baılanysty júrgizýshilerge balamaly baǵyttardy paıdalaný usynylady: Turan dańǵylynan E 54 kóshesi arqyly Tóle bı kóshesine nemese Uly Dala dańǵylynan jergilikti jol arqyly Tóle bı kóshesine deıin.
Shekteý dál Uly Dala dańǵyly men Tóle bı kóshesiniń qıylysynda qoldanylatyny, bul aralyqta kólik qozǵalysy tolyǵymen jabyq ekeni atap ótildi.
Ortalyq jol qozǵalysyna qatysýshylardy saparlaryn aldyn ala josparlap, jol qozǵalysyn uıymdastyrýdaǵy yqtımal ózgeristerdi eskerýge shaqyryp, ýaqytsha qolaısyzdyqtar úshin keshirim surady.