Astanada bir áıel áleýmettik jelide basqa qala turǵynyn balaǵattaǵany úshin sot aldynda jaýap berdi. Bul oqıǵa keńinen taralyp, tipti arnaıy komısıa onyń sózderi jazylǵan beınejazbany qarastyrǵan edi... dep habarlaıdy infohub.kz.
İs qujattaryna sáıkes, balaǵattaý faktisi beınejazbaǵa psıhologıalyq jáne fılologıalyq saraptama júrgizgen mamandardyń qorytyndysymen rastalǵan. Aıyptalýshy kinásin tolyq moıyndap, kópshilik aldynda keshirim suraýǵa daıyn ekenin bildirip, azamattyq talappen ishinara kelisken. Alaıda jábirlenýshi qatań jaza taǵaıyndaýdy talap etip, moraldyq zıannyń ótelýin jáne sot shyǵyndarynyń óndirilýin suraǵan.
Sot aıyptalýshynyń kinásin moıyndaýyn, ókinýin jáne buryn sotty bolmaǵanyn eskerip, oǵan 30 AEK mólsherinde, ıaǵnı 129 750 teńge kóleminde aıyppul saldy. Alaıda amnıstıaǵa baılanysty ol aıyppuldy tóleýden bosatyldy. Úkim zańdy kúshine enbegendikten, oǵan shaǵym jasalýy múmkin.