Astana turǵyny shahmattan sport razrádyn alýǵa úmittenip, alaıaqtyń qurbany bolyp, 1,8 mln teńge joǵaltty... dep habarlaıdy infohub.kz.
İshki ister mınıstrliginiń habarlaýynsha, kúdikti ortaq tanysy arqyly jábirlenýshiniń senimine kirip, sport razrádyn resimdeýge kómektesetinin aıtqan. Qyzmeti úshin ol 1,5 mln teńge talap etken. Aqshany alǵannan keıin alaıaq máseleniń sheshilip jatqanyn aıtyp, keıin ártúrli syltaýlarmen taǵy 300 myń teńgeni aldap alǵan. Barlyq somany alǵan soń, ol uzaq ýaqyt boıy jábirlenýshini aldap, isti retteıtinin ýáde etip, keıin baılanysqa shyqpaı qoıǵan.
Polısıa qyzmetkerleri kúdiktiniń jeke basyn anyqtap, ony basqa qalada ustap, Astanaǵa jetkizgen. Qazirgi ýaqytta sotqa deıingi tergeý júrgizilip, oqıǵanyń barlyq mán-jaıy anyqtalýda.
«Astana qalasy polısıa departamenti azamattardy saq bolýǵa jáne jeke baılanystary arqyly máselelerdi sheshýge nemese belgili bir qyzmetter men qujattardy alýǵa kepildik beretin adamdarǵa aqsha aýdarmaýǵa shaqyrady», — dedi tártip saqshylary.