Atyraýda Karabalınder otbasynyń qazasyna baılanysty isti qaraǵan sýdıa Zarema Hamıdýllına sottalýshy Sultan Sársemálıevke ómir boıy bas bostandyǵynan aıyrý jazasyn nege bergenin túsindirdi, dep habarlaıdy infohub.kz.
Sýdıanyń aıtýynsha, saraptama sottalýshynyń esi durys ekenin rastady. Sot prosesi barysynda onyń tórt adamdy aldyn ala josparlap, qasaqana óltirgeni dáleldendi.
«Sársemálıevtiń 2025 jyldyń mamyrynan jeltoqsanyna deıin tórt adamdy qasaqana óltirgeni tolyq dáleldendi. Budan basqa, qurbandar qaıtys bolǵannan keıin ol alaıaqtyq, urlyq, jeke kýálikterdi ıemdený jáne olardyń múlkin tonaý sıaqty birneshe quqyq buzýshylyq jasady», – dedi sýdıa.
Tergeý materıaldaryna sáıkes, sottalýshy qaıtys bolǵandardyń atynan nesıe rásimdegen, aýyl turǵyndaryna qaza tapqan Naýryzdyń atynan habarlama jibergen, sondaı-aq onyń iri qarasyn aldap satqan.
Sot osy jaǵdaılardyń barlyǵyn eskere otyryp, Sultan Sársemálıevti qoǵamnan ómir boıy oqshaýlaý týraly sheshim shyǵardy.