Atyraý oblysynda taspen basqanyń kóliginiń shynysyn syndyrǵan er adam sot aldyna kelip, 151 375 teńge aıyppul tóleıtin boldy, dep habarlaıdy infohub.kz saıty.
Atyraý oblysy sottarynyń resmı Telegram-arnasynda habarlanǵandaı, Jylyoı aýdandyq soty Qazaqstan Respýblıkasy Ákimshilik quqyqbuzýshylyq kodeksiniń 147-1-babynyń 1-bóligine (bótenniń múlkin qasaqana búldirý) sáıkes ákimshilik isti qarady.
Sot anyqtaǵandaı, er adam Qulsary qalasynyń 8-ýchaskesinde ornalasqan JSHS bazasynyń aýmaǵynda júrip, sol JSHS-ke tıesili Toyota Fortuner kóligine tas laqtyrǵan. Oqıǵa saldarynan kóliktiń sol jaq júrgizýshi shynysy men aldyńǵy áınegi synǵan.
Sot otyrysy barysynda quqyqbuzýshy kinásin tolyq moıyndap, istegen isine ókinetinin bildirdi. Onyń kinási hattamamen, iske qatysýshylardyń túsiniktemelerimen, foto kestemen jáne istiń basqa da materıaldarymen rastalady.
Ákimshilik jaza taǵaıyndaý kezinde sot kináni moıyndaý men ókinýdi jeńildetetin mán-jaılar retinde eskerdi. Aýyrlatatyn mán-jaılar anyqtalǵan joq.
Sot qaýlysymen er adam QR ÁQBtK-niń 147-1-babynyń 1-bóligi boıynsha kináli dep tanylyp, oǵan 151 375 teńge mólsherinde aıyppul salyndy. Qaýly zańdy kúshine endi.