Atyraý oblysyndaǵy joldyń shuńǵyly Italıadan kelgen eki týrısiń saparyn sátsizdikke ushyrata jazdady. Polıseıler olarǵa joldy jalǵastyrýǵa kómektesti, dep habarlaıdy infohub.kz.
28 shilde kúni keshke respýblıkalyq Dossor – Qulsary – Beıneý tas jolynyń 103-shi shaqyrymynda polısıa qyzmetkerleri Meıirbek Májenov pen Qumar Eskendiruly kezekshilik atqaryp júrdi. Patrúldik shara barysynda olar jol jıeginde shetel nómiri bar joltabandy baıqady.
Anyqtalǵandaı, avtokólik dońǵalaǵymen shuńqyrǵa túsip, týrıser odan ári júre almaı qalǵan.
Patrúlder tek keńes berýmen nemese evakýator shaqyrýmen shektelmedi. Olar búlingen dońǵalaqty Qulsarydaǵy shınomontaj sheberhanasyna aparyp, jóndeý jumysy aıaqtalǵansha kútip, sodan keıin ony qaıta ornatýǵa kómektesti. Osynyń arqasynda týrıser Qazaqstan boıynsha saparyn qaýipsiz jalǵastyra aldy.
Italıadan kelgen qonaqtar polıseılerge janashyrlyǵy men kásibıligi úshin alǵys aıtyp, mundaı qoldaý úıden alys jerde erekshe qundy ekenin atap ótti.
Buǵan deıin Kýrsıv Avto Qyzylordada polıseıdiń Qazaqstan boıynsha sırek kezdesetin Volkswagen T1 markaly avtokólikpen saıahattaǵan malaızıalyq týrıske kómekteskeni týraly jazǵan edi.