Úndistan azamaty velosıpedpen saıahattap júrip, Qazaqstanda qıyndyqqa tap boldy, biraq jergilikti polıseılerdiń iltıpaty men janashyrlyǵynyń arqasynda jolyn jalǵastyra aldy, dep habarlaıdy infohub.kz.
İshki ister mınıstrliginiń baspasóz qyzmetiniń málimetinshe, oqıǵa 24 tamyzda Atyraý oblysynda bolǵan. Naýryzbek Sultanov, Álıbı Jastalapov jáne Áskerjan Bekbolat esimdi polısıa qyzmetkerleri qyzmet barysynda tas jolda sheteldiktiń velosıpedpen kele jatqanyn baıqaǵan.
Er adamnyń Reseıden Qazaqstan arqyly Úndistanǵa bara jatqany anyqtalǵan. Jolda ol adasyp, uıaly baılanys pen ınternetke qol jetkizýde qıyndyqtar týyndaǵan.
Polıseıler saıahatshyny jaǵdaıynda qaldyrmady. Olar oǵan SIM-kartany belsendirip, jelige qosylýǵa kómektesti, osylaısha ol marshrýtty anyqtap, baılanysta bola aldy. Sonymen qatar, týrısiń túneıtin jer izdeýde qıyndyqtary bar ekeni belgili boldy. Tártip saqshylary oǵan jaqyn mańdaǵy qonaqúıdi taýyp, jaıǵasýyna kómektesti.
Polıseılerdiń muqıattylyǵy men janashyrlyǵynyń arqasynda sheteldik qajetti kómek alyp, saparyn jalǵastyra aldy. Saıahatshy qazaqstandyq polıseılerge kórsetken qoldaýy úshin shynaıy alǵysyn bildirdi.