Birikken Arab Ámirlikterinde qaza tapqan eki Qazaqstan azamatshasynyń denesi otanyna jetkizildi, dep habarlaıdy infohub.kz.
Qazaqstan Respýblıkasy Syrtqy ister mınıstrliginiń resmı ókili Janbolat Ýsenovtiń aıtýynsha, 28 tamyzda Qazaqstannyń Dýbaıdaǵy Bas konsýldyǵy Aqjan Boqanova men Juldyz Boqanovanyń denelerin otanyna jetkizýdi uıymdastyrdy.
SİM ókiliniń málimetinshe, qaza bolý jaǵdaılaryn tergeýdi BAÁ quqyq qorǵaý organdary jalǵastyrýda. Qazaqstandyq dıplomattar emırat tarapynyń prokýratýrasymen jáne basqa da quzyretti organdarymen baılanysta bolyp, qaıtys bolǵandardyń otbasyna qajetti kómek kórsetýdi jalǵastyrady.
«QR Syrtqy ister mınıstrligi qaıtys bolǵandardyń týǵan-týystary men jaqyndaryna taǵy da shyn júrekten kóńil aıtady», — dep atap ótti Janbolat Ýsenov.
Eske salaıyq, birneshe kún buryn SİM baspasóz qyzmeti Shardja qalasynda eki qazaqstandyq áıeldiń qaza tapqanyn habarlaǵan bolatyn. Keıin 20 jáne 22 jastaǵy apaly-sińlilerdiń jalaqy tabý úshin ketip, sulýlyq salonynda jumys istegeni belgili boldy. Olar jaldamaly páterden óli kúıinde tabyldy. Bolǵan oqıǵanyń sebepteri men zorlyq-zombylyq belgileriniń bar-joǵy ázirge anyqtalmaǵan.