Qyzylorda oblysynyń Baıqońyr qalalyq soty jergilikti turǵynnyń óz ákesinen alıment óndirý týraly talap aryzyn qarady, dep habarlaıdy infohub.kz saıty.
Sottyń baspasóz qyzmetiniń málimetinshe, talap qoıýshy óziniń jaýapker J.-nyń qyzy ekenin, al ózi kúndizgi bólimde oqıtynyn, sondyqtan materıaldyq kómekke muqtaj ekenin kórsetken. Taraptar arasynda alıment tóleý týraly kelisim bolmaǵandyqtan, áıel ákesinen 21 jasqa tolǵanǵa deıin aı saıyn 25 aılyq eseptik kórsetkish — 2026 jyly 108 125 teńge — óndirýdi suraǵan.
Sot talqylaý barysynda taraptarǵa daýdy tatýlastyrý rásimderi arqyly aıaqtaý múmkindigin túsindirdi. Osydan keıin áke men qyz shıelenisti partısıpatıvtik tártippen retteýge kelisti.
Kelisim sharttaryna sáıkes, jaýapker talap qoıýshyǵa 21 jasqa tolǵanǵa deıin kelisimde kózdelgen mólsherde aı saıyn alıment tóleýge mindettendi. Sot uıǵarymymen daýdy retteý týraly kelisim bekitilip, is boıynsha is júrgizý toqtatyldy.
Buǵan deıin Qaraǵandy oblysynda kámeletke tolǵan qyz da ákesine sotqa talap qoıyp, joǵary oqý ornynda oqý kezeńinde alıment tóleýdi talap etken bolatyn.