Baıqońyrda prokýratýra aýdandyq aýrýhanadaǵy buzýshylyqtardy anyqtady, sonyń saldarynan júzdegen áıel men náreste tıesili «Ana jáne bala» jıyntyqtaryn ala almady. Qadaǵalaý organynyń aralasýynan keıin 600 ana men bala tegin medısınalyq kómektiń kepildik kólemi aıasynda qajetti jıyntyqtarmen qamtamasyz etildi, dep habarlaıdy infohub.kz saıty.
Qyzylorda oblysy prokýratýrasynyń málimetinshe, buzýshylyqtar densaýlyq saqtaý salasyndaǵy zańnamanyń saqtalýyn taldaý barysynda anyqtalǵan. Áıelder júktilik kezinde jergilikti medısınalyq uıymdarda baqylaýda bolǵan, alaıda bala týylǵannan keıin olarǵa qarastyrylǵan jıyntyqtar berilmegen.
«Tegin medısınalyq kómektiń kepildik kólemi aıasynda nárestelerdi „Ana jáne bala“ jıyntyqtarymen tolyq qamtamasyz etý talaptarynyń saqtalmaý faktileri anyqtaldy. Baıqońyr qalasynyń turǵyndary júktilik kezeńinde jergilikti medısınalyq uıymdardyń baqylaýynda bolady. Degenmen, bala týylǵannan keıin zańnamada kózdelgen dári-dármek jıyntyqtary analarǵa berilmegen», — dep habarlady prokýratýrada.
Prokýratýra aralasqannan keıin buzýshylyqtar joıyldy. «Prokýratýralyq qadaǵalaý aktisiniń nátıjeleri boıynsha sharalar qabyldanyp, buzylǵan quqyqtar qalpyna keltirildi, 600 ana men bala qajetti „Ana jáne bala“ jıyntyqtarymen qamtamasyz etildi», — dep atap ótti vedomstvoda.
Prokýratýra anyqtalǵan buzýshylyqtar azamattardyń, onyń ishinde nárestelerdiń konstıtýsıalyq quqyqtaryna áser etkenin atap ótti.