Batys Qazaqstan oblysynda balabaqsha býhgalteri 30 mln teńgeden astam búdjet qarajatyn jymqyrdy degen kúdikke ilindi. Áıel ózine zańsyz túrde joǵarylatylǵan jalaqy aýdaryp otyrǵan, dep habarlaıdy infohub.kz.
Oblys prokýratýrasynyń resmı saıtynda habarlanǵandaı, Syrym aýdanynda balabaqsha býhgalteri bes jyl boıy shtat kestesinde bekitilgen jalaqydan tys qosymsha aqshany óz banktik shotyna negizsiz aýdaryp kelgen.
Prokýratýra júrgizgen tekserý nátıjesinde zańsyz tólemderdiń jalpy somasy 30 mln teńgeden asqany anyqtaldy. Osy fakti boıynsha aýdan prokýratýrasy QR QK 189-baby 4-bóliginiń 2-tarmaǵymen (erekshe iri mólsherde jymqyrý) sotqa deıingi tergeý bastady.
İs odan ári tergeý úshin Batys Qazaqstan oblysy boıynsha Ekonomıkalyq tergeý departamentine jiberildi. Qazirgi ýaqytta tergeý amaldary júrgizilýde.
Atalǵan baptyń sanksıasy múlikti tárkileý jáne belgili bir laýazymdardy atqarý nemese belgili bir qyzmetpen aınalysý quqyǵynan aıyrýmen qatar 12 jylǵa deıin bas bostandyǵynan aıyrý jazasyn kózdeıdi.