Boraldaıda sýshıden ýlanǵan ondaǵan adam aýrýhanaǵa tústi. Olardyń aǵzasynan ishek taıaqshasy men stafılokokk tabyldy. Sanıtarlyq dárigerler saraptama nátıjelerin jarıalady, dep habarlaıdy infohub.kz saıty.
Oqıǵa bir aı buryn bolǵan: sol kezde Boraldaıdaǵy sýshı-barda tamaqtanǵannan keıin jappaı ýlaný bolǵany habarlanǵan edi. Sanıtarlyq dárigerler mekemede tekserý júrgizdi. As úıde jándikter tabylyp, ústelder men as quraldarynan ishek taıaqshasy anyqtaldy. Shıkizat pen daıyn ónim tikeleı edende saqtalǵan. Sonymen qatar, ıesiniń balyq, kúrish jáne irimshikke sertıfıkattary bolmaǵan, al personal medısınalyq kitapshasyz jumys istegen.
«Sýshı-bardyń qyzmeti tolyǵymen toqtatyldy, qaýipti ónim aınalymnan alynyp, joıyldy. Qazirgi ýaqytta barlyq zardap shekkender densaýlyǵy jaqsarǵandyqtan aýrýhanadan shyǵaryldy», — dep málimdedi İle aýdanynyń sanıtarlyq-epıdemıologıalyq baqylaý basqarmasynda.
Tekserýden keıin sýshı-bar jabyldy. İs materıaldary quqyq qorǵaý organdaryna jiberildi.
Eske sala keteıik, 17 maýsymda Almaty oblysynyń Boraldaı eldi mekeninde turǵyndardyń jappaı medısınalyq kómekke júginýinen keıin mekemeniń jumysy toqtatylǵany belgili boldy. 18 maýsymda 65 adamnyń ýlanǵany, onyń 36-sy aýrýhanaǵa jatqyzylǵany týraly aqparat paıda boldy.