InfoHub Logo

Almaty oblysynyń Talǵar aýdanynda 20 jastaǵy jigit qatygezdikpen óltirildi. Oǵan on shaqty adamnan quralǵan top shabýyl jasaǵan. Bul týraly marqumnyń apasy áleýmettik jelide habarlady.

Bul týraly Infohub.kz aqparat agenttigi habarlaıdy.

«Bul kezdeısoq tóbeles emes, aram oımen jasalǵan shabýyl»

«2026 jyldyń 12 sáýirinde Talǵar aýdanynda meniń baýyrym, 20 jastaǵy Anvar Musaevty qatygezdikpen óltirdi. Oǵan 10-nan astam adamnan quralǵan top shabýyl jasady. Bul kezdeısoq tóbeles emes, aram oımen jasalǵan, sýytqannan keıin istelgen shabýyl boldy. Ony qorshap aldy da, qorǵanýǵa múmkindik bermedi. Alǵan pyshaq jaraqattarynan ol sol jerde kóz jumdy», – dep jazdy apasy.

Onyń aıtýynsha, otbasynda bolǵan oqıǵanyń vıdeo dáleli, sondaı-aq 30-dan astam kýáger bar. Alaıda, osyǵan qaramastan, tek bir adam ǵana qamaýda otyr.

Otbasy qysym kórip otyr

Marqumnyń apasynyń aıtýynsha, olardyń otbasyna qysym jasalyp, «tatýlasý» jáne talaptarynan bas tartý týraly qujatqa qol qoıýǵa májbúrlep jatyr.

Polısıa tergeýdi jalǵastyrýda

Polısıanyń habarlaýynsha, jedel is-sharalar barysynda 20 jastaǵy kúdikti ustalyp, qamaýǵa alyndy. Buzaqylyq isi boıynsha taǵy úsh adam ustalyp, ýaqytsha ustaý ızolátoryna qamaldy. Eki fıgýrantqa qatysty sot úı qamaǵyna alý týraly bultartpaý sharasyn tańdady. Kámeletke tolmaǵan tulǵaǵa qatysty ızolásıamen baılanysty emes shara qoldanyldy. Oqıǵa boıynsha «Adam óltirý» jáne «Buzaqylyq» baptary boıynsha qylmystyq ister qozǵaldy. Barlyq kýágerler anyqtalyp, jaýap alyndy. Qazirgi ýaqytta tergeý áreketteri jalǵasýda. Almaty oblystyq polısıa departamenti tergeýdiń basshylyqtyń erekshe baqylaýynda ekenin málimdedi.