InfoHub Logo

Qazaqstanda pedagogterdiń oqýshy qaýipsizdigine qatysty jaýapkershiligi naqtylandy. Jańa ereje boıynsha, muǵalimder balalardyń qaýipsizdigine tek mektep aýmaǵynda, sabaq ótip jatqan ýaqytta jáne ózderiniń laýazymdyq mindetterin atqarý kezinde ǵana jaýapty bolady.

Bul ózgeristerdi kózdeıtin «Pedagog mártebesi týraly» zańǵa engiziletin túzetýlerdi Májilis maquldady.

Bul týraly Infohub.kz aqparat agenttigi habarlaıdy.

Parlament Májilisiniń depýtaty Asqat Aımaǵambetovtiń aıtýynsha, bul zań jobasy ustazdardy ózderine tán emes jumystardan bosatý maqsatynda ázirlengen. Qujat endi Senattyń qaraýyna jiberiledi.

«Prezıdenttiń tamyz keńesinde aıtqan tapsyrmasyna sáıkes, muǵalimderdiń jaýapkershiligi tek oqý-tárbıe prosesimen shektelýi tıis. Biz ázirlegen zań jobasy Senatqa joldandy», - dep jazdy Asqat Aımaǵambetov óziniń áleýmettik jelisinde.