InfoHub Logo

Búgingi kún – jaqyn arada bolatyn jaqsy jańalyqtyń bastapqy kezeńi. Jáne, sol bolashaq jarqyn bolý úshin, tómende aıtylatyn 30 zatty dál qazir isteýdi bastańyz.

Ýaqytyńyzdy laıyqty adamdarǵa ǵana arnańyz

Bul sizge jaǵymdy, sizdi jaqsy kóretin jáne baǵalaıtyn, sizge ıgilikti yqpal etetin adamdar. Bul sizge ómirdiń dámin sezdirýge kómektesetin, sizdi qalaı bar, solaı qabyldap qana qoımaı, siz teń kelgińiz keletin qasıetterge ıe adamdar.

Qandaıda bir qıyndyqtardy tik turyp qarsy alyńyz

Qandaı máselege urynǵanyńyz ǵana emes, máseleni qalaı qabyldaıtynyńyz jáne qalaı sheshetinińiz siz jaıly kóp nárse aıta alady. Áreket etpeseńiz, qıyndyq óz betimen joǵalyp ketpeıdi. Qolyńyzdan kelgenniń bárin jasańyz jáne óz isińizge jaýap beretindeı bolyńyz. Osy rette «Qadam basqan adam ǵana joldy baǵyndyrady» degen japon maqaly eske túsedi.

Óz-ózińizge adal bolyńyz

Óz-ózińizge neniń durys ekenin, al neni ózgertý kerek ekenin moıyndańyz. Nege qol jetkińiz keledi jáne kim bolǵyńyz keledi, naqty moıyndańyz. Kez kelgen ómirlik salada árdaıym adal bolyńyz. Óıtkeni siz tek ózińizge sene alasyz. Ózińizdiń kim ekenińizdi bilý úshin aqıqatty jan-dúnıeńizden izdeńiz. Osylaı istegende ǵana qazir qaıda ekenińizdi jáne munda qalaı tap bolǵanyńyzdy jaqsy túsinetin bolasyz.

Óz baqytyńyzdy bárinen bıik qoıyńyz

Sizdiń qajettilikterińiz mańyzǵa ıe. Eger siz ózińizdi baǵalamasańyz, óz-ózińizdi kútpeseńiz, qorǵamasańyz, ózińizge zıan keltiresiz. Esińizde bolsyn, aınalańyzdaǵy adamdarǵa qamqor bola tura, óz qajettilikterińizdi de iske asyrýǵa bolady. Jáne, qajettilikterińiz iske asqan jaǵdaıda kómekke muqtaj adamdarǵa qol sozý múmkindigi artady.

Shynaıy bolyńyz jáne bul maqtanýǵa turarlyq qasıet

Ózge bireý bolýǵa umtylý óz tulǵańyzǵa nuqsan keltiredi. Shynaıy bolyńyz. Boıyńyzdaǵy adamdy paıdalanyńyz – onyń ózge eshkimde joq ıdeıalaryn, myqty jaqtaryn, ásemdigin. Ózińizdi qalaı bar, solaı ustańyz. Eń bastysy, óz-ózińizge shynaıy bolyńyz. Eger bul qolyńyzdan kelmese, ózgelermen shynaıy bola almaısyz.

Osy shaqqa nazar aýdaryp, osy shaqta ómir súrińiz

Dál qazirgi ýaqyt – bul tańǵajaıyp kezeń. Dál osy shaq – qolyńyzda bar jalǵyz sát. Ómir dál qazirgi ýaqytta súrilip jatyr. Bolashaqta alynatyn qamaldardy oılana berýdi doǵaryńyz. Ótken shaqta bolǵan nemese bolmaǵan oqıǵalardy oılaı berýdi doǵaryńyz. Dál qazirgi ýaqytta ómir súrýdi úırenińiz. Dál qazir bolyp jatqan oqıǵamen ómir súrińiz. Dál qazirgi sáttegi ádemilik úshin álemge rıza bolyńyz.

Qatelikterińizden alǵan sabaqtardy baǵalańyz

Qatelikter – bul qalypty jaǵdaı, olar alǵa jyljyp jatqanyńyzdy bildiredi. Eger siz ara-tura qatelesip turmasańyz, siz tyryspaısyz jáne sabaq almaısyz. Táýekelge baryńyz, artqa sheginińiz, qulańyz, al keıin qaıta turyp, qaıta tyrysyp kórińiz. Alǵa jyljyp jatqanyńyzdy, sabaq alyp jatqanyńyzdy jáne jetilip jatqanyńyzdy baǵalańyz. Eleýli jetistikter mindetti túrde sátsizdiktiń uzyn jolynyń sońynda kútedi. Siz qorqyp júrgen bir «qatelik» sizdi úlken jetistikke jetkizetin bir ǵana kópir bolýy múmkin.

Óz-ózińizge sypaıyraq bolyńyz

Eger siz ózińizben qalaı sóılesseńiz, dál solaı sóılesetin dosyńyz bolsa, ondaı dospen dostyǵyńyz qaı ýaqytqa deıin jalǵasar edi? Óz-ózińizge degen qarym-qatynasyńyz basqalarǵa úlgi bolady. Siz ózińizdi basqalardan bólek, qalaı bar, solaı jaqsy kórý kereksiz.

Baryńyzdy baǵalap, lázzat alyńyz

Kóbimizdiń qatelesetin jerimiz, ómirde qandaıda bir beleske jetkende ǵana baqytty bolamyz dep oılaımyz. Nátıjesinde árdaıym jańa belesterdi baǵyndyrýǵa umtylyp, osy shaqtan lázzat alýdy umytamyz. Sondyqtan tańerteń, oıana salǵan sátti osy ýaqytqa deıin jetken jetistikterdi, baryńyzdy baǵalaýǵa arnańyz.

Óz baqytyńyzdy quryńyz

Eger sizdi bireý baqytty etedi dep oılasyńyz, siz qatelesesiz. Jymıyńyz, óıtkeni siz muny isteı alasyz. Baqytty tańdańyz. Álemnen kútip júrgen ózgeristi ózińiz jasańyz. Dál qazirgi ýaqyttaǵy bolmysyńyzdy qýana qabyldańyz, jáne osy shaqqa degen pozıtıvtik kózqarasyńyz erteńińizdi shabyttandyrsyn.

Óz ıdeıalaryńyz ben armandaryńyzǵa múmkindik berińiz

Ómirde múmkindik alý jaıly áńgime óte sırek qozǵalady, munda eń bastysy sol berilgen múmkindikti paıdalaný. Siz bári oıdaǵydaı bolatynyna eshqashan 100% senimdi bolmaısyz, biraq eshteńe istemeseńiz eshteńe bolmaıtynyna 100% senimdisiz. Al sizge sol múmkindikke jetý úshin jaı ǵana ýaqyt bólý kerek. Jáne bul qalaı aıaqtalatyny mańyzdy emes, qalaı aıaqtalý kerek bolsa, solaı aıaqtalatyny anyq. Sizdi tabys kútip tur, nemese siz birdińine túıip shyǵasyz. Qalaı bolǵanda da, siz utasyz.

Siz kelesi qadamǵa daıynsyz, senińiz

Siz daıynsyz! Osy jaıly oılanyńyz. Alǵa jeteleıtin kishkentaı qadam úshin sizde bári bar. Sizge beriletin múmkindikterdi paıdalanyńyz, qıyndyqtardan qashpańyz – bul sizdiń ósýińizge yqpal etetin syı.

Qajet jaǵdaıda ǵana adamdarmen jańa qarym-qatynas quryńyz

Ózińiz uqsaǵyńyz keletin nemese tulǵańyzǵa saı keletin senimdi shynaıy adamdarmen ǵana qarym-qatynas quryńyz. Ol adammen tanystyǵyńyzdy maqtan tutatyn, ózińiz súısinetin, sizdi syılaıtyn, meıirimińizge meıirimmen jáne qyzyǵýshylyqpen jaýap beretin adamdarmen dostyq ornatyńyz.

Jańa adamdarǵa múmkindik berińiz

Bul jaǵymsyz estilse de, dos bolǵan árbir adammen máńgi birge bola almaısyz. Adamdar jáne qyzyǵýshylyqtar ózgeredi. Bir qarym-qatynastar qurdymǵa ketedi, jańasy paıda bolady. Jumys istemeıtin qarym-qatynastan tabıǵı túrde qutylyp, jańa qarym-qatynastyń múmkindikterin baǵalańyz. Paıymdaryńyzǵa senimdi bolyńyz. Jańa qarym-qatynastardy qabyldap jatqanda, tanys emes shekaraǵa aıaq basyp jatqanyńyzdy túsinińiz. Úırenýge daıyn bolyńyz, qıyndyqtarǵa daıyn bolyńyz jáne ómirińizdi túbegeıli ózgertetin adamdy kezdestirýge daıyn bolyńyz.

Burynǵy ózińizben jarysyńyz

Ózgelerden shabyt alyńyz, olardy baǵalańyz, olardan úırenińiz, biraq olarmen jarysý – beker. Siz bir ǵana adammen jarysasyz – óz-ózińizben. Eń keremet qasıetterińizdi kórsete alatyndaı jarysyńyz. Óz jetistikterińizdi basyp ozatyndaı maqsat qoıyńyz.

Ózgelerdiń jeńisine qýanyńyz

Ózgelerdiń boıynda neni unatatynyńyzǵa nazar aýdaryńyz, jáne olarǵa osy jaıly aıtyńyz. Aınalańyzda keremet adamdar bar ekenin túsiný, ony qabyldaý jaqsylyqtyń nyshany – bul sizdi alǵa jyljýǵa, qanaǵattyqqa jáne beıbitshilikke ákeledi. Tabysqa jetip jatqan adamdar úshin qýanyńyz. Olardyń jeńiske jetýine tilektes bolyńyz. Jasaǵan jaqsylyqtaryna shynymen rıza bolyńyz. Erte me, kesh pe olarǵa degen jyly qarym-qatynasyńyz sizge oralady, sonda adamdar siz úshin taqym qysatyn bolady.

Qıyn jaǵdaılardyń jaqsy jaqtaryn izdeńiz

Bári qurdymǵa ketip, eńseńiz túskende, birneshe ret tereń tynystańyz, al keıin jaqsy jaqtaryn izdeńiz – kishkentaı úmit sáýlelerin. Osy qıyndyqtardyń arqasynda shyńdala alatynyńyzdy jáne mindetti túrde shyńdalatynyńyzdy eske salyńyz. Ómirińizde ońynan oryn alǵan – óz jetistikterińiz ben jeńisterińizdi esten shyǵarmańyz. Qolyńyzda joq dúnıege emes, bar dúnıege barynsha nazar aýdaryńyz.

Ózińizge jáne ózgelerge keshirimdi bolyńyz

Ózimizdiń nemese ózgelerdiń sheshimi úshin qaıǵyratyn kezderimiz bolady. Jáne sol úshin sezinetin aýyrtpalyq qalypty bolǵanymyn, keıde mundaı kúı uzaqqa sozylady. Biz sol aýyrtpalyqty qaıta-qaıta sezinip, umyta almaımyz. Munyń emi – keshirý. Bul ótkendi óshirý nemese bolǵan isti umytý degendi bildirmeıdi. Bul renish pen aýyrtpalyqty umytyp, budan sabaq alyp, ári qaraı ómir súrý degendi bildiredi.

Aınalańyzdaǵy adamdarǵa kómektesińiz

Adamdarǵa qamqor bolyńyz. Úzdik jolyn bilseńiz, sony meńzep jiberińiz. Ózgelerge kómek qolyn sozǵan saıyn, basqalar da sizge kómekteskisi keletin bolady. Mahabbat pen meıirim mahabbat pen meıirimdi týyndatady. Jáne bul árdaıym solaı bolmaq.

Túısigińizdi tyńdańyz

Eger bul kómektesse, ıdeıalaryńyzdy eń jaqyn adamdaryńyzben talqylańyz, biraq óz túısigińizben júrýge ózińizge múmkindik berińiz. Ózińizge adal bolyńyz. Aıtaryńyzdy aıtyńyz. Júregińiz ne dese, sony isteńiz.

Qatty sharshaýǵa jol bermeńiz, ara-tura demalyp turyńyz

Qarqyndy basyńyz. Tereń demalyńyz. Ózińizge úzilis jasaýǵa, qaıta qurylýǵa jáne aldyńa maqsat qoıyp, naqty qadam jasaýǵa múmkindik berińiz. Sharýa bastan asyp jatqanda, kishigirim úzilis aqyl-oıdy sergitip, ónimdilikti arttyrady.

Ár sáttiń kórkemdigin baıqańyz

Úılený toıy, bala týý, mansaptyń joǵarylaýy, utys oıynyn utý sıaqty orasan zor oqıǵany kútýdiń ornyna kúndelikti oryn alyp jatqan kishigirim oqıǵalardan baqyt izdeńiz. Tańǵy kofe, dámdi túski as nemese úı taǵamynyń eliter ıisi, sizge qýanysh syılaıtyn zatty basqalarmen bólisý nemese súıikti adamyńyzdyń qolynan ustaý sıaqty kishigirim oqıǵalar.

Jetilmegen dúnıeni de qabyldańyz

Esińizde bolsyn, jetilgen dúnıe – jaqsylyqtyń dushpany. Ózin jáne qorshaǵan ortasyn jaqsartqysy keletinderdiń bir óreskel qateligi, aınaladaǵy shynaıy bolmysty qalaı bar, solaı qabyldaı almaýynda. Keıde álemdi jáne ondaǵy adamdardy shynaıy baǵalap jáne bar bolmysymen qabyldaǵan jón. Olardy óz armanyńdaǵy qıalǵa aınaldyrýǵa tyrysý qatelik bolyp tabylady. Árıne, bul qabiletsiz bolý kerek degendi bildirmeıdi, biraq asa jetilmeı qalǵan dúnıelerdi de qabyldap, jaqsy kórýdi úırený kerek.

Kúndelikti maqsatyńyzǵa bir qadam jaqyndaı túsińiz

Myńdaǵan kılometrge saıahat bir qadamnan bastalatynyn umytpańyz. Neni armandasańyz da, kúndelikti sol armanyńyzǵa jaqyndatatyn birdeńe istep otyryńyz. Áreket jasańyz! Qarqyndy jumys jasaǵan saıyn tabysty bolasyz.

Sezimińizdi jasyrmańyz

Eger renjip júrgen bolsańyz, renishińizdi kórsetýge múmkindik pen ýaqyt berińiz, biraq ony jasyrmańyz. Jaqyn adamdaryńyzben bul jaıly sóılesińiz. Sezimińizdi jetkizińiz. Olarǵa túsindirýge tyrysyńyz. Janyńyzdy jabyrqatyp júrgen oılaryńyzben bólisý óte ońaı, esesine másele sheshilgen soń tez arada jaqsy kóńil kúıge bólenesiz.

Óz ómirińizge jaýapkershilik alyńyz

Sizdiń tańdaýyńyz ben qatelikterińiz bul tek sizdiki bolsyn, jáne olardy túzeý úshin sizge birdeńe isteý kerek bolatynyna daıyn bolyńyz. Óz ómirińizge ózińiz jaýapty bolmasańyz, basqa bireý jaýapty bolady. Jáne bul iske asqan jaǵdaıda, siz onyń armandarynyń qulyna aınalasyz. Ómirińizdi basqarýǵa eshkimge múmkindik bermeńiz. Iá, bul ońaı emes ekenin eskertemiz.

Asa mańyzdy qarym-qatynastardy belsendi túrde damytyńyz

Óz ómirińizge jáne jaqyndaryńyzdyń ómirine naǵyz, shynaıy qýanysh syılańyz. Bul jaı ǵana olardyń ómirińizge qanshalyqty mańyzdy ekenin aıtýdan bastalady. Aınalańyzda kóp adam júrý mańyzdy emes, bastysy siz sene alatyn, siz syılaıtyn adamdardyń bolǵany. Jáne olardy qýantý úshin qolyńyzdan kelgenin jasańyz.

Baqylaýyńyzda ustaı alatyn zattardy baǵalańyz

Bárin ózgerte almaıtynyńyz anyq, degenmen birdeńeni ózgertýge atsalysa alasyz. Qolyńyzdan kelmeıtin dúnıeni ózgertýge ýaqyt, darynyń men kúshińdi jumsaý – kóńil qalýshylyq, qaıǵyrý men belsendiliktiń tómendeýine ákeletin tikeleı jol. Kúsh-qýatyńyzdy siz baqylaýda ustaı alatyn dúnıelerge arnańyz jáne solardy túzeýge tyrysyńyz.

Oń nátıje shyǵaramyn dep oılańyz

Birdeńeni iske asyrarda, munyń iske asatynyn mıyńyz ben jan dúnıeńiz senýi kerek. Teris oılar men jaǵymsyz emosıalardan arylýdyń úzdik ádisi – olarǵa kereǵar, odan da jarqyn jáne myqty oılarǵa basymdyq berý. İshki túısigińizdi tyńdańyz, teris oılardy oń oılarǵa aınaldyryńyz. Qandaı jaǵdaı bolmasyn, oıyńdaǵyńyz iske asqanyn ǵana oılańyz. Al sosyn alǵa qaraı qadam jasańyz.

Qalaı bolǵanda da baı ekenińizdi oılańyz

Genrı Devıd Toro bylaı degen eken: «Baılyq – bul ómirdi sońyna deıin seze bilý qasıeti». Qıyn kezeńderge tap bolsańyz da, bári jaqsy bolatynyna sený kerek. Sizdiń tańerteń kıetin kıimińiz bar. İshetin aýyz sýyńyz bar. Oqı alasyz. Siz asa baı adamsyz, sondyqtan esińizde bolsyn, qolyńyzda bar dúnıege shúkir aıta bilińiz. Eń úlken baılyq – qanaǵat.

---