Qazaqstannyń Densaýlyq saqtaý mınıstrligi dárilik zattar men medısınalyq buıymdardyń sapasyn baǵalaý erejelerine ózgerister engizýdi bastady. Vedomstvo baqylaýǵa alynatyn ónimderdi irikteý tártibin túzetetin buıryq jobasyn qoǵamdyq talqylaýǵa usyndy, dep habarlaıdy infohub.kz saıty.
«Ashyq NQA» portalynda jarıalanǵan qujatqa sáıkes, dárilik zattar men medısınalyq buıymdardyń sapasyn baǵalaý erejelerinen naryqtan ónim irikteý tártibin retteıtin erejelerdi alyp tastaý usynylady. Bul ókilettikterdi táýekelge baǵyttalǵan tásildi eskere otyryp, irikteýdi júzege asyratyn memlekettik organǵa berý josparlanýda.
Buıryq jobasynda naryqtan dárilik zattar men medısınalyq buıymdardy irikteý Qazaqstan Respýblıkasy Densaýlyq saqtaý mınıstriniń № QR DSM-323/2020 buıryǵymen bekitilgen táýekelge baǵyttalǵan tásildi eskere otyryp, sapasy baqylanatyn dárilik zattar men medısınalyq buıymdardy naryqtan irikteý erejelerine sáıkes júrgiziletini atap ótilgen.
Densaýlyq saqtaý mınıstrliginde bul jobanyń qabyldanýy naryqtan dárilik zattar men medısınalyq buıymdardy irikteý kezinde fýnksıalardyń qaıtalanýyn boldyrmaýǵa, sondaı-aq atalǵan buıryqqa sáıkes irikteýdiń biryńǵaı tártibin qamtamasyz etýge múmkindik beretinin atap ótti.
Jobanyń qoǵamdyq talqylaýy 15 qyrkúıekke deıin jalǵasady.