Qazaqstanda balany ógeı ákesiniń asyrap alýy kezinde mindetti DNK-saraptamaǵa qatysty daý týyndady. Jubaıy áke retinde tanylǵan áıel genetıkalyq testileýden ótýden bas tartyp, bul talapty jeke ómirge aralasý dep sanap, Konstıtýsıalyq sotqa júgindi. Alaıda sot zań jaǵynda turyp, mundaı saraptama balanyń quqyǵyn qorǵaýǵa qyzmet etetinin túsindirdi, dep habarlaıdy infohub.kz.
Ótinish berýshi ákelikke daý bolmasa da, DNK-saraptama qorytyndysyn usynýdy mindetteıtin norma onyń jeke jáne otbasylyq ómirge quqyǵyn, teńdik prınsıpin jáne sot qorǵaýyna quqyǵyn buzady dep málimdedi. Onyń pikirinshe, bul balanyń múddesiniń basymdyǵy prınsıpine de qaıshy keledi.
Konstıtýsıalyq sotta asyrap alý ınstıtýty eń aldymen kámeletke tolmaǵannyń quqyqtary men múddelerin qorǵaýǵa baǵyttalǵanyn atap ótti. «İs qaraý barysynda sot taǵaıyndaǵan molekýlalyq-genetıkalyq saraptama ákesimen týystyqty rastaýǵa múmkindik beredi, sot sheshimderiniń zańdylyǵy men negizdiligin qamtamasyz etedi jáne balanyń ata-anasyn bilý quqyǵyn iske asyrýǵa yqpal etedi», — dep túsindirdi sotta.
Sonymen qatar sot naqty istiń mán-jaıyn baǵalaý onyń quzyretine kirmeıtinin atap ótti. Tıisti retteýdiń konstıtýsıalylyǵy buǵan deıin tekserilgenin jáne ótinish berýshiniń quqyqtary men bostandyqtarynyń buzylý belgileri anyqtalmaǵanyn eskere otyryp, sot shaǵymdy is júrgizýge qabyldaýdan bas tartty.
Buǵan deıin QR Ádilet mınıstrligi júktilik kezeńinde ákelikti anyqtaýǵa múmkindik beretin jabdyqty satyp alýdy josparlap otyrǵany habarlanǵan bolatyn.