Qazaqstanda eGov.kz portaly men eGov Mobile mobıldi qosymshasynda shuǵyl gospıtalızasıa týraly habarlama qyzmeti paıda boldy, dep habarlaıdy infohub.kz saıty.
Densaýlyq saqtaý mınıstrliginde aıtylǵandaı, endi adam jol apatyna túsip, kenetten ózin nashar sezinse nemese basqa sebeppen aýrýhanaǵa tússe, onyń jaqyndary gospıtalızasıa týraly habarlama ala alady.
Ol úshin eGov-ta "Gospıtalızasıa jaǵdaıynda habarlaý úshin senimdi baılanystardy tirkeý" jańa qyzmeti paıda boldy. Qazaqstandyq úsh senimdi tulǵaǵa deıin kórsete alady, olarǵa gospıtalızasıa jaǵdaıynda habarlama jiberiledi.
Tegin qyzmetti resimdeý úshin eGov.kz portalynda: avtorızasıadan ótý; "Gospıtalızasıa jaǵdaıynda habarlaý úshin senimdi baılanystardy tirkeý" qyzmetin tańdaý; senimdi tulǵanyń JSN-in kórsetý qajet.
Senimdi baılanys 18 jastan asqan jáne Mobıldi azamattar bazasynda tirkelgen bolýy kerek ekendigi atap ótildi. "Osydan keıin paıdalanýshy jeke derekterdi óńdeýge jáne densaýlyq jaǵdaıy týraly málimetterdi berýge kelisimin rastap, suranys jiberedi. Kórsetilgen adamǵa tirkelýdi rastaý nemese qabyldamaý usynysy bar SMS keledi. Rastaý úshin 911 kodymen jaýap SMS jiberý kerek, bas tartý úshin - 912. Sheshim qabyldaýǵa 5 saǵatqa deıin ýaqyt beriledi", - dep naqtylady vedomstvoda.
Eger senimdi baılanys tirkelýdi rastasa, paıdalanýshy suranysqa qol qoıady. Osydan keıin tirkelgen baılanys týraly málimetter Densaýlyq saqtaý mınıstrliginiń aqparattyq júıesine beriledi.
eGov Mobile mobıldi qosymshasynda qyzmet "Memlekettik qyzmetter" - "Densaýlyq saqtaý" bóliminde ornalasqan. Paıdalanýshy senimdi baılanystardy tirkeý qyzmetin tańdap, osyǵan uqsas prosedýradan ótýi kerek. Ótinishti Densaýlyq saqtaý mınıstrliginiń aqparattyq júıesimen óńdeý 10 mınýtqa deıin ýaqyt alady.
Vedomstvo qyzmet jaqyndarynyń jaǵdaı týraly tezirek bilip, pasıentpen nemese medısınalyq uıymmen ýaqytynda baılanysýy úshin jasalǵanyn qosty.