InfoHub Logo

Jer betinde eliniń táýelsizdigin, halqynyń bostandyǵyn oılamaıtyn jurt joq shyǵar. Bul Táýelsizdik – biz úshin basqa qonǵan baq. Baqty baǵalaǵan halyqty bastaıtyn taq ıesi de bolýy tıis. Táýelsizdiktiń alǵashqy jetistigi – halqymyzdyń óz tańdaýymen El Prezıdenti N.Á.Nazarbaevti saılaǵany. Ol Elimizdiń tuńǵysh Prezıdenti.

N.Á.Nazarbaev 1940-jyly 6 shildede Almaty oblysy, Qarasaı aýdanyna qarasty Shamalǵan aýylynda qarapaıym otbasynda dúnıege keldi. Ákesi Ábish Nazarbaev Myrzabalanyńuly 1903-jyly Nazarbaı bıdiń shańyraǵynda dúnıege keldi. Ol 1971 jyly qaıtys bolady. Anasy Áljan 1910-jyly Qasyq aýylynda moldanyń úıinde dúnıege keldi. Jarqyn júzdi Áljan balasyn úlkendi qurmetteýge, syılaýǵa baýlydy, onyń ulttyq dástúrlerge, án-jyrlarǵa, salt-ǵuryptarǵa qushtarlyǵyn oıatty. Ol 1977-jyly qaıtys bolady.

Nursultannyń balalyq shaǵy uzaqqa sozylǵan joq. Mektepti bitirip, 18ge tolǵan Nursultan óz qatarlastarynyń arasynda tereń bilimimen, oı-órisiniń keńdigimen erekshe kózge tústi.

Temırtaýdaǵy metalýrgıa kombınatynyń qurylysyna komsomoldardy jınap jaqanyn estigen soń, ol metalýrg bolýǵa bel býdy.Temırtaýǵa kelgen soń, bolashaq metalýrg retinde Ýkraınaǵa, Dneprodzerjınsk qalasyndaǵy Dnepr metalýrgıa kombınaty janyndaǵy kásiptik-tehnıkalyq ýchılıshıge oqýǵa jiberilip, 1960 jyly bitiredi.  Eńbek jolyn 1960-69 jyldary Temırtaý qalasyndaǵy Qaraǵandy metalýrgıa kombınatynda qatardaǵy jumysshy bolyp bastap, domna peshiniń aǵa gazdaýshylyǵyna deıingi joldan ótti.

1969-1973 j Qaraǵandy oblysy, Temırtaý qalasyndaǵy partıa-komsomol jumystarynda jaýapty qyzmetter atqardy. 1973-77j Qarmet kombınattyń partkom hatshysy. 1977-79 jQaraǵandy oblystyq partıa komıtetiniń hatshysy. 1990-jyldyń sáýirinen – Qazaq KSR Prezıdenti. 1991-jyly jeltoqsannyń birinde tuńǵysh ret

 QR Prezıdentiniń saılaýy ótip, N.Nazarbaev 98,7 paıyz daýyspen jeńiske jetti. 1995-jyly sáýirdiń 29ynda Jalpyhalyqtyq referendým nátıjesinde QR Prezıdenti ókilettiligi 2000j deıin uzartyldy. 1999-j 10 qańtarda ótken saılaýdyń nátıjesinde N.Nazarbaev 79,78 daýyspen QR Prezıdenti bolyp qaıta saılanady. 2005 j 4-jeltoqsanda 91,5 paıyz daýys jınap qaıta QR Prezıdenti laýazymyn alady. 2011-jyl 3-sáýirde saılaýshylardyń 95,5 paıyzyn alyp QR Prezıdenti bolyp taǵy da saılanady.

N.Nazarbaev tek Prezıdent bolyp qana qoımaı sonymen qatar, Nur Otan partıasynyń tóraǵasy, Joǵarǵy sot keńesiniń tóraǵasy, Qazaqstan Respýblıkasynyń Bas qolbasshysy, Dúnıe júzi qazaqtary qaýymdastyǵynyń tóraǵasy, Evropadaǵy  Qaýipsizdik jáne Yntymaqtastyq Uıymynyń tóraǵasy, gımnniń avtory.

Bul degenimiz Qazaqstan halqynyń Elbasyna degen qurmeti, senimi dep oılaımyn.

N.Nazarbaevtyń jubaıy Sara Alpysqyzy – Bóbek qorynyń basshysy. Elbasshynyń 3 qyzy bar. Darıǵa- Saıasat ǵylymdarynyń doktory, Habar agenttiginiń dırektorlar keńesiniń tóraıymy, QR Parlamenti Májilisiniń depýtaty, búgingi kúnde vıse-mınıstr qyzmetin atqarýda.

Dınara – N.Nazarbaev atyndaǵy bilimdi qoldaý qoryn basqarady.

Álıa – Elıtstroı qurylys kompanıasyn basqarady. N.Nazarbaevtyń 7 nemeresi jáne eki shóberesi bar.

Elbasymyzdyń kóptegen kitaptary, óleńderi men dáıeksózderi bar. Mysaly: «Qazaq qazaqpen qazaqsha sóılessin», «Qazaqstannyń bolashaǵy – qazaq tilinde», «Beıbitshilik kindigi», «Ǵasyrlar toǵysynda» jáne t.b.

N.Nazarbaev bıyl 26-jyl Prezıdent bolyp keledi. Osy 26-jyldyń ishinde kóptegen jetistikterge jetip, qazaq eliniń ishki jáne syrtqy saıasatyn, ekonomıkasyn edáýir kóterdi.

Eń basty jetistikterimizdiń biri – Elbasymyzdyń Samıtke tóraǵalyq etýi jáne bizdiń elimizde alǵash ret qysqy olımpıadalyq oıyndardyń ótkizilýi boldy. Elbasymyz urpaqtyń sanaly, bilimdi bolyp, bolashaqta óz eline paıdasyn tıgizýi úshin  «Nazarbaev zıatkerlik mektepterin» ashty.

«EHRO-2017» kórmesi de jastardy zertteý jumystaryna jumyldyryp, ǵylym salasynda elimizdiń keńinen qanat jaıýyna jaqsy múmkindikter ashady.

Nazarbaevtyń «Qazaqstan - 2050» strategıasy memleket damýynyń basym baǵyttaryn aıqyndady. Respýblıkamyzda aýyldardy, qalalardy damytýǵa, turǵyn úı qurylysyn damytýǵa, eger de bir kásip ashamyn deseń, belgili bir teńgede nesıe berilip, al mamandyq ıesi bolamyn deseń, belgili bir merzimde oqýǵa jiberýge, jáne taǵy sondaılarǵa baǵyttalǵan iri áleýmettik baǵdarlamalar iske asyrylýda.

Qysqa ǵana merzim ishinde úlken dárejege jetken Qazaqstan halyqaralyq yntymaqtastyq tujyrymdamasyn qalyptastyrdy.

Jyl saıyn Elbasymyz  Qazaqstan halqyna óz Joldaýyn joldaıdy. 2015-jylǵy  «Nurly jol –bolashaqqa bastar Jol» atty halyqqa joldaǵan Joldaýynda aıtqanyndaı Elimizdiń ár aımaqtarynda jol jóndeý jumystary da qarqyndy júrip jatyr. Sonymen qatar Qazaq handyǵynyń qurylǵanyna 550jyl, Qazaqstan halyqtar Assambleıasynyń qurylýyna 20 jyl, QR Konstıtýsıasyna 20 jyl tolýyna baılanysty kóptegen is-sharalar uıymdastyryldy. 

N.Nazarbaevtyń memleketti basqarý kezindegi júrgizip kele jatqan saıasaty ózge memleketterge qaraǵanda sapaly jáne tıimdi.

Úsh ǵasyrǵa jýyq ýaqyt boıy otarshyldyqtyń taýqymetin tartyp, etnos retinde shalajansar halge túsken Qazaq halqyn el etip, TMD elderiniń aıasyndaǵy eń kóp tildi, kóp konfesıaly Qazaqstannyń eńsesin kóterip, táýelsizdik jolymen alyp júrý mindeti Nursultan Ábishuly Nazarbaevtyń mańdaıyna jazyldy. Bul jolda da táýelsizdikti taý etetin, shynaıy demokratıaǵa umtylǵan, ultaralyq túsinistik pen dostyqty ómir salty etken, bolashaǵyna senimmen qadam basqan Qazaqstan halqynyń naǵyz kóshbastar kóshbasshysyna aınala bildi.

Búgingi urpaq – erteńgi el úmiti. Sondyqtan da biz sapaly bilim alyp, elimizdiń dáýletti, jerimizdiń sáýletti bolýy úshin belsendilik tanytyp, elimizdiń odan ári gúldenýine óz úlesimizdi qosýymyz kerek.

Biz Elbasynyń eren eńbeginiń arqasynda eń baı memleketke aınaldyq, halqymyz da baqytty ǵumyr keshýde. Keń baıtaq elimiz egiske tolyp, órisimizden mal ketpeıtin, beıbit te zaıyrly memlekettiń urpaǵy bolyp otyrmyz.

Qazaqstan Respýblıkasynyń damýyna úles qosqan – Qazaqstan halqynyń tuńǵysh Prezıdentine  alǵysymyz sheksiz!

Almaty oblysy, Uıǵyr aýdany Avat aýyly,

«I. Iskanderov atyndaǵy orta mektebi

mektepke deıingi shaǵyn ortalyǵymen»

komýnaldyq memlekettik mekemesiniń

tarıh páni muǵalimi Akbarova Sabırám Sadırovna

---