Almatyda 25 tamyzdan bastap elektrosamokattardyń júrýine qatysty jańa talaptar kúshine enedi: olarǵa trotýarlar men jaıaý júrginshiler jolynda júrýge tyıym salynady, dep habarlaıdy infohub.kz saıty.
Joldyń júrý bóligine tek kámeletke tolǵan elektrosamokat júrgizýshileri shyǵa alady. Ol úshin kez kelgen sanattaǵy júrgizýshi kýáligi men qorǵanys dýlyǵasy qajet. Qarańǵy ýaqytta jaryq qaıtarǵysh elementterdi de paıdalaný kerek.
«Eń basty ózgeris — elektrosamokattarǵa trotýarlar men jaıaý júrginshiler jolynda júrýge tyıym salynady. Sonymen qatar, joldyń júrý bóligine tek kámeletke tolǵan, kez kelgen sanattaǵy júrgizýshi kýáligi men qorǵanys dýlyǵasy bar azamattarǵa ǵana shyǵýǵa ruqsat etiledi», — dep atap ótti Ábdinýr Tasybaev.
Jańa talaptar elektrosamokattarda jolaýshylar men júk tasymaldaýǵa da tyıym salady. Jaıaý júrginshiler ótkelin kesip ótkende júrgizýshi samokattan túsýi tıis.
Jalǵa beriletin elektrosamokattar tirkeý nómirlerimen jabdyqtalyp, mindetti saqtandyrýdan ótýi kerek. Kıksherıng kompanıalary samokattardyń tehnıkalyq jaǵdaıyn, olardyń jyldamdyǵy men ornalasqan jerin baqylaýǵa mindetti.
Buǵan deıin «Kýrsıv» Almaty polıseıleri bir demalys kúnderi 298 elektrosamokatty, úsh mopedti, bir elektrovelosıped pen bir motosıkldi arnaıy turaqqa qamaǵanyn habarlaǵan. Qalanyń Jetisý aýdanynda osy ýaqyt ishinde jol qozǵalysy erejeleriniń 152 buzýshylyǵy anyqtalǵan, onyń ishinde kólik quraldaryn paıdalaný men jolaýshylar tasymaldaýǵa baılanysty.