InfoHub Logo

Taqyryby: Ertegi eline saıahat
Maqsaty:
- oqýshylarǵa baǵyt - baǵdar bere otyryp, ózdikterinen jumys istetý, oı - óristerin damyta otyryp ózdikterinen qorytyndy shyǵarýǵa mashyqtandyrý;
- ertegi arqyly oqýshylardyń ómirge degen kózqarasyn qalyptastyrý, jaqsylyq pen jamandyqty aıyra bilýge úıretý, baýlý;
- Bir - birlerimizben tatý bolý, ujymshyl bolý;

1. Uıymdastyrý kezeńi
Muǵalim: Balalar, ertegi - sózin estigende qandaı oı keledi, kóz aldaryna ne elestetesińder? Qandaı ertegiler bilesińder?
(balalar pikirin tyńdaý).

2. Jańa sabaq
Muǵalim: Búgingi sabaǵymyz erekshe ótedi, biz «Ertegi eline saıahatqa» shyǵamyz.
Ertegi - halqymyzdyń erteden beri kele jatqan mádenı muralarynyń biri, aýyz ádebıeti. Ertegini mazmunyna qaraı, ár alýan erekshelikterine qaraı birneshe túrge bólýge bolady.
- janýarlar jaıynda (sýreti, nemese kitabyn kórsetý)
- qıal - ǵajaıyp ertegiler
- shynshyl ertegiler
Ertegiden halqymyzdyń turmys - saltyn, ádep - ǵurpyn bilemiz. Onda shyndyq oqıǵa men qıal - ǵajaıyp oqıǵa aralas kelip otyrady.
Kel, tyńdaıyq ertegi,
Estigen jandy eltedi.
Talaı ǵajap oqıǵa,
Qyzyq syryn shertedi.
«Baýyrsaq» ertegisiniń sahnalyq qoıylymy:
Erte, erte, ertede.... bir ata men áje bolypty
Atasy: - kempir - aý, maǵan baýyrsaq pisirip berseńshi.
Ájesi:- neden pisireıin un joq qoı.
Atasy:- qaptyń túbin qaq, baýyrsaqtyq un tabylyp qalar.
Ájesi solaı isteıdi: qaptyń túbin qaǵyp, qalǵan unnan baýyrsaq pisiredi de, sýytyp tereze aldyna qoıady.( is - áreketterin kórsetedi) Baýyrsaq domalap ketedi...
Orman ishine domalap kelip, qoıan ananyń kójegin úıretip jatqanyn estıdi:
Qoıannyń kójegi:
Men aq qoıan, aq qoıan,
Qorqaq qoıan, saq qoıan.
Qasqyrlardan qorqamyn.
Ormanǵa men zytamyn.

Qoıan:
Sur kójegim, kójegim,
Erkeligin sezemin.
Sabaqqa moıyn buratyn
Seniń de keldi kezegiń.
Kójegi baýyrsaqty kórip qorqyp, qashyp ketedi.
Qoıan: - baýyrsaq, baýyrsaq men seni jep qoıamyn.
Baýyrsaq: - joq, sen meni jeme, saǵan óleń aıtyp beremin, sony tyńda.
Atadan da qashtym,
Apadan da qashtym,
Qoıan senen de qashyp ketemin.
Qoıan: - qoı, baýyrsaq seniń óleńiń jaqsy sen odan da meniń tapsyrmamdy orynda.
Baýyrsaq: endi ne isteımin, balalar, sender maǵan kómek kórsetińdershi.
Muǵalim: oryndaımyz ba qoıannyń tapsyrmasyn?

Qoıannyń tapsyrmasy:
1. Qazaqstan Respýblıkasynyń prezıdentiniń aty – jóni kim?
2. Qazaqstan Respýblıkasynyń astanasy qaı qala?
3. Biz qaı qalada turamyz?
Baýyrsaq:- raqmet, balalar, senderdiń kóp kómekteriń tıdi.
Qoıan: Sender óte aqyldy oqýshylar ekensińder, olaı bolsa men óz jónimmen keteıin.
Baýyrsaq domalap qoıannan qashyp, aǵash túbinde jatqan qasqyrǵa kezdesedi.

Qasqyr:
Túsim surqaı, tym sýyq,
Ormanda júremin ań qýyp.
Qasqyr:- baýyrsaq, baýyrsaq men seni jeımin.
Baýyrsaq: - jemeshi, men saǵan óleń aıtyp beremin.
Qasqyr: - joq, baýyrsaq, óleńiń kerek joq sen meniń tapsyrmamdy orynda.
Qasqyrdyń tapsyrmasy:
1. Jyl mezgilderin ata?
2. Bir aptada neshe kún bar?
3. Olardy ata?
Baýyrsaq:- raqmet, balalar, qasqyrdan da qutqardyńdar.
Qasqyr: Sender meniń tapsyrmamdy oryndadyńdar, onda men ary qaraı jol júreıin.
Shóp ústinde qulpynaı jep jatqan aıýǵa kezdesedi.
Aıý: - baýyrsaq, baýyrsaq men seni jeımin.

Baýyrsaq: - jemeshi meni, men saǵan qandaı óleń aıtyp beremin
- apadan da qashtym, atadan da qashtym,
senen de aıý qashyp ketemin.
Aıý: Áı, balalar, balalar!
Mende qyzyq oıyn bar,
Al yqylas qoıyndar
Káne, tártip saqtaıyq,
Men bergen tapsyrmany,
Buljytpaı oryndaıyq.