InfoHub Logo

Kúndegi sońǵy jarylystardyń biri ǵalymdardy tań qaldyrdy. Bul joly Kún betinde «qara» jarylys tirkeldi. Bul qubylys qalaı paıda boldy jáne onyń Jerge qandaı áseri bolady degen suraqtar týyndaýda.

Bul týraly Infohub.kz aqparat agenttigi habarlaıdy.

Kúndegi «qara» jarylys degenimiz ne?

Instıtýttyń Telegram arnasynda jarıalanǵan málimetke súıensek, bul qubylys Kúnniń tańǵy jarylysynan keıin paıda bolǵan. Kúnniń tańǵy jarylysy koronadaǵy beıtarap sýtegi bultyn úzip, shashyp jibergen. Bul jaǵdaıdaǵy zattar Kúnniń ystyq atmosferasynan shyǵatyn sáýleler úshin múldem móldir emes. Sebebi fotondar sýteginiń ıondalýyna jumsalyp, osy qabatta joıylyp ketedi.

«Nátıjesinde, Kúnniń jaryq betine qara kórpe jabylǵandaı bolady. Bul beıtarap sýtegi tolyq ıondalǵansha nemese Kún dıskisinen shyǵyp ketkenshe jalǵasady. Bul jaǵdaıda ekinshisi oryn aldy», - dep túsindirdi zerthana mamandary.

Jerge qandaı áseri bolady?

Ǵalymdardyń aıtýynsha, bul bulttyń bir bóligi erteń túnde Jerge kelip jetedi. Ol atmosferaǵa ishinara enedi, sýyp, taý jynystaryna, muhıttarǵa sińip, ósimdiktermen qorytylady.

«Myńdaǵan jyldar boıy bolǵandaı, Kún óziniń materıasynyń bir bóligin Jerge jiberedi», - dep qosty mamandar.

Buǵan deıin Kúnde sońǵy jarym aıdaǵy eń kúshti, M9.3 klasty jarylys tirkelgeni habarlanǵan bolatyn. Sol kezde mamandar jaqyn saǵattarda jańa jarylys bolýy múmkin ekenin joqqa shyǵarmaǵan edi.