InfoHub Logo

Taqyryby: «Ertegiler elinde» erteńgiligi (prezentasıasymen)
Maqsaty: bilimdiligi: Oqýshylarǵa ertegini sýrettep, sahnalap qoıý. Mán - maǵynasyn ashý, Halyq aýyz ádebıeti shyǵarma keıipkerleriniń isterine baǵa berip, óz kóz qarastaryn bildirýge úıretý.
damytýshylyǵy: Oqýshy boıyndaǵy adamgershilik qasıetterdi damytý,
logıkalyq oılaýyn jáne shyǵarmashylyq qabiletin damytý.
tárbıelik: Uqyptylyqqa, jaýapkershilikke, jaqsydan úırenip, jamannan
jırenip, balany jaqsylyqqa beıimdeý. Jaýapkershilikke tárbıeleı
otyryp dostyqqa, qarym - qatynastaryn damytý.
Kórnekiligi: «Ertegiler elinde» plakaty, sharlar, gúlder, ertegi keıipkerleriniń sýreti.
Sabaqtyń barysy:
Sizderden ósken balalar,
Batyrlar men danalar.
Quttyqtaımyz meırammen,
Qurmetti bizdiń ata - analar, balalar, ustazdar!

İ. Kirispe sóz
Ertegiler aýyz ádebıetiniń eń kóne janryna jatady. Bularda kóbinese ómirde sırek kezdesetin nemese múlde kezdespeıtin oıdan shyǵarylatyn oqıǵalar baıandalady.
Ol aýyzsha aıtylyp, el esine ǵasyrlar boıy saqtalyp, urpaqtan - urpaqqa aýysyp, bizdiń dáýirimizge jetken. Ertegiler kóbinese qara sóz túrinde aıtylady. Keıde óleń túrinde de kezdesedi.
Ertegilerdiń ádette bastalýlary uqsas: «Baıaǵy ótken zamanda bir shal men kempirdiń....... bolypty» nemese «Erte, erte, ertede, eshki júni bórte de» dep te bastalady. Ertegi sońy olar «sóıtip muratyna jetipti» únemi jaqsylyqpen aıaqtalady.
Ertegiler mynandaı janrlarǵa bólinedi:
1. Qıal - ǵajaıyp;
2. Haıýanattar týraly;
3. Shynshyl ertegi;
4. Turmys - salt ertegileri.
Qıal - ǵajaıyp ertegilerde er júrek, batyr adamdardyń basynan keshken san - alýan erlik oqıǵalar baıandalady.
Olar jeti basty jylanmen, jalǵyz kózdi dáýmen, jalmaýyz kempir, mystan kempir, nebir qubyjyqtarmen kúres ústinde bar asyl qasıetterimen kórinedi.
Olar kókke ushady, jer astyna túsedi, teńizderden ótedi, azaby mol qıyn - qystaý oqıǵalarda aqyl, aıla - tásilin asyryp, jeńip shyǵady. Bul ertegilerdi oqı otyryp jamannan jırenip, jaqsydan úırenýge tyrysady.
Mysaly: «Altyn saqa», «Er Tóstik», «Altyn balyq» t. b.
Ata - babamyz tórt túlik maldy qadirlep, pir tutqan. Balalarǵa eń jaqyn ertegiler haıýanattar týraly ertegiler. Haıýanattar týraly ertegilerdiń keıipkerleri ań, qus, úı janýarlary bolady.
Alaıda olar adamǵa tán qasıetter, áreketter ıesi bolyp sýretteledi de sol arqyly sum - qıanatshyl, aramza, qý minez qylyqtar áshkerelenedi, eńbeksúıgishtigi, batyldyǵy, adaldyǵy sýretteledi.