InfoHub Logo

Aınur Tursynbaevanyń jas kúıeýi Nurjan Imanálıev óziniń Instagram paraqshasynda burynǵy nekesinen týǵan qyzdary Aısha men Anısany kórsetti. Ol súıikti jarynyń balalaryna qamqorlyq jasap, olarmen jaqsy qarym-qatynas ornatqanyn aıtyp, alǵysyn bildirdi.

Bul týraly Infohub.kz aqparat agenttigi habarlaıdy.

Nurjan Imanálıevtiń aıtýynsha, qyzdary – onyń ómirindegi eń úlken baqyty. Ol bylaı dep jazdy: "Qyz bala – ákesiniń júregindegi eń názik amanat. Alla maǵan úlken nyǵmetterin berdi. Meniń Aısha men Anısa atty eki qyzym bar. Bul dúnıede men ózim úshin emes, kóbine sol balalarymnyń bolashaǵy úshin ýaıymdaımyn. Óıtkeni ata-ana úshin balasynyń amandyǵy men baqyty bárinen qymbat. Aısha, Anısa jáne Maǵdı – meniń eń úlken baılyǵym. Dúnıedegi barlyq jetistik pen baılyq balanyń amandyǵynyń aldynda túk emes".

Jelidegi pikirler

Bul jazba jeli qoldanýshylarynyń jyly lebizderine ıe boldy. Kópshilik Nurjannyń balalarǵa degen meıirimdiligin joǵary baǵalap, Aınur Tursynbaevaǵa da rızashylyǵyn bildirdi. Keıbir pikirlerde: "Qandaı kúshti, biraq qasynda turmaǵasyn, qansha baryp kóńil bólseń de, olardyń júregi jaraly", "Qyzdaryńyz ba, súıkimdi eken", "Aınur ápkemizge de úlken rahmet! Erkin kezdesýlerine ruqsat bergen! Áıel qarsy bolsa qıyn! Aınur ápkemiz altyn!" dep jazyldy.

Nurjan Imanálıev balalardyń anasy týraly suraǵandarǵa: "Úılerinde shyǵar, múmkin jumystarynda", dep jaýap bergen. Al Aınur Tursynbaevanyń ózi janynda ekenin aıtty.