Qazaqstandyq stendap-komık Galym Kalıakbarov Astana men Almatydaǵy óner kórsetýleriniń toqtatylýyna alǵash ret túsinikteme berip, ázirge sahnaǵa shyǵýǵa daıyn emes ekenin málimdedi, dep habarlaıdy infohub.kz saıty.
Óz Instagram-storısinde ártis kórermenderge júginip, jaǵdaıdy túsindirdi. "Sálem. Sizderde maǵan qatysty suraqtar bar shyǵar. Birinshiden, sol konserttiń barlyq kórermenderine raqmet aıtqym keledi. Ásirese meni qorǵaǵan batyl áıelderge. Osylaı bolǵany úshin keshirińizder. Biz aqshany bárine qaıtaramyz (nemese qaıtaryp qoıdyq), sonymen qatar kelesi stendap-konsertke bıletterdi syıǵa tartamyz", — dep jazdy ol.
Kalıakbarov sondaı-aq dostary men jazylýshylaryna qoldaý kórsetkeni úshin alǵys bildirdi. "Qoldaý kórsetken dostaryma úlken raqmet. Áleýmettik jelilerde ýaıymdap, jyly sózder jazǵan barlyq adamdarǵa raqmet. Mende bári jaqsy! Sizderdiń arqalaryńyzda! Rahmet!" — dep qosty komık.
Ol konsertterdi óz sheshimimen toqtatqanyn atap ótti. "Bolǵan oqıǵadan keıin men konsertterimdi ózim toqtattym. Qazir depressıadan emdelip jatyrmyn, bul oqıǵa maǵan áser etti, sondyqtan ázirge sahnaǵa shyǵýǵa daıyn emespin. Almaty ákimdiginen keshirim suraımyn, óıtkeni Almatydaǵy konsertti toqtatqannan keıin maǵan olarǵa qarsy jaǵymsyz pikirler aıtylǵanyn aıtty. Bul konsertti men ózim toqtattym. Almaty ákimdigine eshqandaı talap joq. Kerisinshe, olar bizge árqashan konsert ótkizýge ruqsat berip turdy. Keshirińizder, sizderge tıip ketti. Eń ókinishtisi, men eshqashan saıasat týraly arnaıy ázildemeıtinmin. Múmkin, endi bastaımyn", — dep jazdy Kalıakbarov.
Eske salaıyq, 19 tamyzda komıktiń Astanadaǵy konserti kútpegen jerden úzilgen edi. Belgisiz bireý is-shara zańsyz dep málimdegeni habarlanǵan. Keıin Esil aýdany ákimdiginde NUR.KZ tilshisine konsert resmı túrde kelisilmegenin, sebebi uıymdastyrýshylar ótkizýge 10 kún qalǵanda ákimdikke mindetti habarlama jibermegenin túsindirgen. Kelesi kúni 21 tamyzǵa josparlanǵan Almatydaǵy konserttiń toqtatylǵany týraly aqparat paıda boldy.