Qazaqstanda er adam iPhone utysy týraly jalǵan habarlama arqyly birneshe ret alaıaqtyq jasady dep kúdiktelýde. Polısıa málimetinshe, ol buryn jumys istegen kompanıanyń klıentter bazasyn zańsyz ıemdenip, ony azamattardy aldaý úshin paıdalanǵan, dep habarlaıdy infohub.kz.
Aqmola oblysy polısıa departamentindegilerdiń aıtýynsha, qazirgi ýaqytta eki jábirlenýshi anyqtalǵan: Aqmola oblysy Býrabaı aýdanynyń turǵyny jáne Almaty oblysynyń turǵyny. Alaıda polıseıler aldanǵandardyń sany edáýir kóp bolýy múmkin ekenin joqqa shyǵarmaıdy.
Tergeý barysynda Jetisý oblysynyń 33 jastaǵy turǵyny buryn taýarlardy satýmen jáne jetkizýmen resmı aınalysatyn JSHS-de jumys istegeni anyqtaldy. Jumystan shyqqannan keıin ol kompanıanyń klıentter bazasyn zańsyz ıemdenip, buryn taýar satyp alǵan azamattarǵa habarlasa bastaǵan.
Kúdikti klıentterge olardyń utys oıynynyń jeńimpazy atanyp, iPhone utyp alǵanyn aıtqan. Biraq «syılyqty» alý úshin jetkizý qunyn — 55 myń teńgeni tóleý qajet bolǵan. Jábirlenýshiler buryn osy kompanıanyń qyzmetin paıdalanǵandyqtan, qońyraýlar men utys týraly aqparat olarda kúdik týdyrmaǵan. Sóılesken adamǵa senip, azamattar kórsetilgen somany berilgen rekvızıtterge aýdarǵan.
Qazirgi ýaqytta osy fakti boıynsha tergeý júrgizilip, oqıǵanyń barlyq mán-jaıy, sondaı-aq kúdiktiniń qylmystyq áreketiniń qosymsha epızodtary anyqtalýda.