Almaty Kane Ýesttiń kelýine daıyndalýda — uıymdastyrýshylar egjeı-tegjeıli aqparatpen bólisti. Qalaǵa 100 tonnadan astam tehnıkalyq jabdyq jetkizilýde, dep habarlaıdy infohub.kz saıty.
First Media Group kompanıasynyń konserttik jobalardy damytý jónindegi dırektory Aıtýar Álibekovtiń aıtýynsha, Almatyǵa 100 tonnadan astam tehnıkalyq jabdyq jetkizilýde. Qalaǵa sahnalyq konstrýksıalar, jaryq jáne dybys jabdyqtary tıelgen 15-ke jýyq fýr baǵyttalýda. Onyń sózinshe, Almaty turǵyndary men qonaqtary tolyqqandy álemdik deńgeıdegi shoýdy kóredi, onyń qysqartylǵan nemese beıimdelgen nusqasyn emes.
«Kóptegen adamdar Almatyda onsha úlken shoý bolmaıdy dep jazdy. Biraq bul beıimdelgen nusqa emes. Bul ınternette kórip júrgendeı aýqymdaǵy shoý bolady. Sahna, sfera jáne barlyq arnaıy effektiler bolady», — dedi Álibekov.
Qazaqstandaǵy óner kórsetýden keıin Ye AQSH-taǵy shoýlar serıasyn jalǵastyrady. First Media Group-ta mundaı aýqymdaǵy ártisterdiń kelýi Almatyny álemdik konserttik týrlar kartasynda aıtarlyqtaı kórnekti etedi dep sanaıdy.
Buǵan deıin uıymdastyrýshylar konsert jarıalanymynyń kenetten paıda bolýyn túsindirdi. Bastapqyda konsertti basqa kúnge ótkizý josparlanǵan edi, biraq álemdik týrdyń kestesi ózgerdi.
Uıymdastyrýshylardyń aıtýynsha, 360 gradýstyq sholýy bar sahna stadıondaǵy kez kelgen jerden jaqsy kórinisti qamtamasyz etedi. «Shoýdy barlyq arnaıy effektilerimen tolyq kórgińiz kelse, trıbýnalardy tańdaǵan jón. Al eger ártiske jaqyn bolyp, tobyr ishinde konsert atmosferasyn sezgińiz kelse — bı alańy», — dep keńes berdi Álibekov.
Ýestiń Almatydaǵy alǵashqy aýqymdy konserti 14 tamyzda ótedi. Bıletterdi Freedom SuperApp qosymshasynan da, Ticketon.kz saıtynan da satyp alýǵa bolady. Aldyn ala satýdyń alǵashqy kúninde-aq jankúıerler stadıondaǵy oryndardyń jartysyn satyp aldy.