Qaraǵandy oblysynda sýǵa batyp bara jatqan balany qutqarǵan jas batyrdy marapattaý rásimi ótti. 13 jastaǵy Nuraly Álhan batyldyǵy men erligi úshin vedimistik medalmen marapattaldy, dep habarlaıdy infohub.kz saıty.
Qazaqstan Respýblıkasy Tótenshe jaǵdaılar mınıstrliginiń baspasóz qyzmetiniń málimetinshe, saltanatty shara Qaraǵandy oblysy Tótenshe jaǵdaılar departamentinde ótti. Nuraly rásimge otbasymen birge keldi.
Qazaqstan Respýblıkasy Tótenshe jaǵdaılar mınıstri general-leıtenant Chınıgıs Arınovtyń buıryǵymen sýda adam qutqarǵany úshin Nuraly Álhan «Sýǵa batqandardy qutqarǵany úshin» vedimistik medalimen marapattaldy.
Oblystyq TJD bastyǵy general-maıor Marǵulan Amanbaev jasóspirimge jeke alǵysyn bildirip, onyń áreketi shynaıy qurmetke laıyq jáne qurbylaryna úlgi ekenin atap ótti. Sonymen qatar, departament atynan oǵan estelik syılyq tabys etildi.
Vedomstvo batyrǵa batyldyǵy, eriktiligi jáne qıyn sátte kómekke kelýge daıyndyǵy úshin alǵys bildirdi.
Buǵan deıin 13 jastaǵy qaraǵandylyq sýǵa batyp bara jatqan 4 jasar balany qutqarǵany habarlanǵan bolatyn. Sonda oblystyq polısıa departamentiniń bastyǵy Negmet Ismaǵulov jas batyrdy ózine shaqyryp, oǵan estelik syılyq pen alǵys hat tabys etken edi.