Qazaqstanda Qashaǵan ken ornyn ıgerýshi North Caspian Operating Company (NCOC) halyqaralyq konsorsıýmynyń múlki men kóligine tyıym salyndy. Tıisti qujat ádilet mınıstrliginiń atqarýshy óndiris organdarynyń avtomattandyrylǵan aqparattyq júıesinde jarıalanǵan, dep inbusiness.kz Reuters-ke silteme jasap habarlady. Tolyǵyraq infohub.kz saıtynda.
Jarıalanǵan qujatta qandaı aktıvter nemese kólik quraldaryna tyıym salynǵany naqtylanbaǵan, alaıda shara 21 shildeden bastap oryndalyp jatqany kórsetilgen.
NCOC quramyna Shell, Eni, TotalEnergies jáne Exxon Mobil kiredi. Konsorsıým ázirge jaǵdaıǵa túsinikteme bergen joq. Buǵan deıin Qazaqstan úkimeti kompanıany shamadan tys kóp kúkirt saqtaǵany úshin 2,3 trln teńge aıyppul tóleýge mindettegen bolatyn.
NCOC operatory kinásin moıyndamaı, talaptardy halyqaralyq tórelikte daýlap jatyr. Shildede Qazaqstan bıligi ekologıalyq aıyppuldy tóletýdi talap etetinin málimdedi, al konsorsıým daýdyń tórelik aıasynda ekenin aıtady.